જ્યોતિષ વિજ્ઞાન / ગ્રહોની ચાલ: સપ્ટેમ્બરમાં કયા ગ્રહનું થશે રાશિ પરિવર્તન, આ રાશિના જાતકોને થશે ભરપૂર લાભ

• ગ્રહોની ચાલની દ્રષ્ટિએ સપ્ટેમ્બર મહિનો વધુ રહેશે મહત્વપૂર્ણ
• અમુક રાશિઓ પર સકારાત્મક તો અમુક રાશિ પર પડશે નકારાત્મક પ્રભાવ
• માણસના જીવનમાં પડે છે સીધો પ્રભાવ

ગ્રહોની ચાલની દ્રષ્ટિએ સપ્ટેમ્બર મહત્વનો રહેશે

આમ તો દર મહિને ગમે તે ગ્રહ પોતાની ચાલ બદલતો રહે છે. કોઈ ગ્રહનુ ગોચર થાય છે તો કોઈ રાશિ પરિવર્તન કરે છે. જેનો માણસના જીવનમાં સીધો પ્રભાવ પડે છે. ગ્રહોની ચાલની દ્રષ્ટિએથી સપ્ટેમ્બરનો મહિનો ખાસ્સો મહત્વનો રહેવાનો છે. આ મહિને કોઈ ગ્રહ વક્રી થશે તો કોઈ રાશિ પરિવર્તન કરશે. એવામાં આવો જાણીએ કે સપ્ટેમ્બરમાં કયો ગ્રહ રાશિ પરિવર્તન કરી રહ્યો છે અને કયો ગ્રહ વક્રી થશે. 

બુધ થશે વક્રી

સપ્ટેમ્બરમાં સૌથી પહેલો ગ્રહ રાશિ પરિવર્તન 10 સપ્ટેમ્બરે જોવા મળશે. આ દિવસે કન્યા રાશિનો સ્વામી બુધ આ રાશિમાં વક્રી થશે. જ્યોતિષ શાસ્ત્ર મુજબ, કોઈ ગ્રહ વક્રી થવાથી તેને પીડિત માનવામાં આવે છે. એવામાં જે રાશિઓ પર તેનો નકારાત્મક પ્રભાવ પડશે, એવા જાતકોએ ભગવાન ગણેશની પૂજા કરવી જોઈએ. 

શુક્ર સિંહ રાશિમાં અસ્ત થશે

શુક્ર ગ્રહ 15 સપ્ટેમ્બરે સિંહ રાશિમાં અસ્ત થશે. શુક્ર અસ્ત થવાથી તેનુ પૂર્ણ ફળ મળતુ નથી. એવામાં જે રાશિઓ પર તેની નકારાત્મક અસર થશે. એવા જાતકોએ અશુભતાથી બચવા માટે વ્હાઈટ ચીજ વસ્તુઓનુ દાન કરવુ જોઈએ. આ સાથે કન્યાઓને ગિફ્ટ આપવી જોઈએ. મહત્વનું છે કે, શુક્ર ગ્રહને સુખ સુવિધા, પ્રેમ, રોમાન્સનો ગ્રહ માનવામાં આવે છે. 

સૂર્યનો ગોચર 

સપ્ટેમ્બરમાં જે સૌથી મહત્વપૂર્ણ ગોચર થઇ રહ્યો છે, તે સૂર્યનો છે. આ મહિને 17 સપ્ટેમ્બરે સૂર્ય દેવ પોતાની રાશિ સિંહને છોડીને કન્યા રાશિમાં ગોચર કરશે. જેનાથી કન્યા રાશિના જાતકોને શુભ ફળની પ્રાપ્તિ થશે.