ગાંધીનગર / BIG BREAKING: જૂનિયર ક્લાર્ક સહિત વર્ગ-3ની ભરતીમાં ફરી વધારો, હવે આટલી જગ્યાઓ થઈ

• ઓફિસ આસિસ્ટન્ટ અને જૂનિયર ક્લાર્કની ભરતીમાં બેઠકોનો વધારો કરાયો
• ઓફિસ આસિસ્ટન્ટની 12, જૂનિયર ક્લાર્કની 340 જગ્યા વધારાઈ
• ગૌણ સેવા પસંદગી મંડળ કુલ 5554 જગ્યાઓ પર ભરતી કરશે 

GSSSB Recruitment news: સ્પર્ધાત્મક ભરતીની તૈયારી કરતા ઉમેદવારો માટે મોટા સમાચાર સામે આવ્યા છે. ઓફિસ આસિસ્ટન્ટની 12 જગ્યા તથા અન્ય કચેરીઓની જુનિયર ક્લાર્કની 340 જગ્યા એમ મળીને કુલ 352 જગ્યાનો ફરી એકવાર વધારો કરાયો છે. ગૌણ સેવા પસંદગી મંડળની ભરતીમાં જગ્યાઓ કુલ 5554 થઈ છે.

પરીક્ષા ફી ભરવા માટે વધુ બે દિવસ આપવામાં આવ્યા
અત્રે એક નવી અપડેટ સામે આવી છે કે, જે ઉમેદવારોએ ઓનલાઇન એપ્લિકેશન કન્ફર્મ કરેલી છે તેઓને પરીક્ષા ફી ભરવા માટે વધુ બે દિવસ આપવામાં આવ્યા છે.  જે ઉમેદવારોની ઓનલાઇન એપ્લિકેશન કન્ફર્મ થયેલી છે તે ઉમેદવારો તારીખ 6 ફેબ્રુઆરી અને 7 ફેબ્રુઆરી દરમિયાન ઓનલાઇન પેમેન્ટ કરી શકે છે. જે ઉમેદવારને ફી ભરવામાં મુશ્કેલી જણાતી હોય તો તેઓ મંડળમાં ફોન કરીને અથવા રૂબરૂમાં આવીને માર્ગદર્શન મેળવી શકે છે તેવું પણ જણાવ્યું છે

વાંચવા જેવું: ફરી ગુજરાતમાં ઠંડીનો રાઉન્ડ આવશે! હવામાન વિભાગની કડકડતી આગાહી, જાણો આગામી 5 દિવસ કેવું રહેશે તાપમાન

અગાઉ 4300થી વધારી 5200 જગ્યા કરાઈ હતી
ગુજરાત ગૌણ સેવા પસંદગી મંડળ, ગાંધીનગર દ્વારા ગુજરાત ગૌણ સેવા, વર્ગ-૩ (ગ્રુપ- A તથા B)ની જગ્યામાં વધારો કરાયો છે. મંડળ દ્વારા તા. 03 જાન્યુઆરી 2024ના રોજ પ્રસિદ્ધ કરવામાં આવેલ જાહેરાતમાં સિનિયર ક્લાર્ક સંવર્ગની કુલ 532 જગ્યાઓ પૈકી કમાંક-8 સામેની કમિશનર મહિલા અને બાળ વિકાસની કચેરી (ICDS)ની કુલ 1 જગ્યા બિનઅનામત (સામાન્ય) તરીકે દર્શાવેલ છે જે બિનઅનામત મહિલા ઉમેદવાર માટે અનામત રાખવામાં આવશે. જે જગ્યા વધાર્યા બાદ ફરી એકવાર જગ્યામાં વધારો કર્યો છે