લોકસભા ચૂંટણી / 'જેટલું જોઈએ તેટલું અનામત', મનરેગાની મજૂરી વધારીશું, રાહુલ ગાંધીએ ખેલ્યો મોટો દાવ

લોકસભા ચૂંટણી 2024માં અનામતનો મુદ્દો સતત છવાયેલો રહ્યો છે. બંધારણ બદલવાનો દાવો કરીને કોંગ્રેસ અનામત નાબૂદ કરવા માટે ભાજપ પર નિશાન સાધી રહી છે. આ દરમિયાન કોંગ્રેસ નેતા રાહુલ ગાંધીએ સોમવારે (6 એપ્રિલ)ના રોજ મધ્ય પ્રદેશના ખરગોનમાં એક રેલીમાં બોલતાં રાહુલ ગાંધીએ કહ્યું કે ભાજપનું અંતિમ લક્ષ્ય વંચિતોની અનામત છીનવીને 0 ટકા કરવાનું છે, પરંતુ અમે 50 ટકા અનામતની મર્યાદા તોડીને દેશમાં સામાજિક ન્યાય કરીશું, આ કોંગ્રેસની ગેરંટી છે. ભાજપના નેતાઓએ સ્પષ્ટ કહ્યું છે કે, ભાજપની સરકાર બનતા જ તેઓ દલિતો, પછાતો અને આદિવાસીઓ પાસેથી અનામત છીનવી લેશે.

50 ટકાની મર્યાદા દૂર કરીને વધારો કરીશું

રાહુલ ગાંધીએ કહ્યું કે ભાજપ અનામત છીનવી લેવાની વાત કરી રહ્યું છે ત્યારે અનામતમાંથી 50 ટકાની મર્યાદા દૂર કરીને તેમાં વધારો કરીશું. આ લડાઈ બે વિચારધારાઓ વચ્ચેની છે. આમાં, કોંગ્રેસ બંધારણની રક્ષા કરી રહી છે, જ્યારે, ભાજપ બંધારણને નાબૂદ કરવા માંગે છે, પરંતુ, અમે કોઈપણ કિંમતે બંધારણનું રક્ષણ કરવાનું ચાલુ રાખીશું.

વધુ વાંચો : રેપ પીડિતાને બળાત્કારીના બાળકને જન્મ આપવાની ફરજ ન પાડી શકાય- HCનો ચુકાદો

મનરેગા કામદારોને 400 રૂપિયા દૈનિક વેતન આપીશું

રાહુલ ગાંધીએ કહ્યું કે મીડિયા કહે છે કે મનરેગા લોકોની આદત બગાડે છે. પરંતુ જ્યારે અરબપતિઓની લોન માફ કરવામાં આવે છે તો તેને વિકાસ કહેવામાં આવે છે, પરંતુ જેવી અમારી સરકાર આવશે અમે મનરેગા કામદારોને 400 રૂપિયા દૈનિક વેતન આપીશું.