રુપાલા વિવાદ / 'રાષ્ટ્રીય નેતાને આ ઘટના માટે જવાબદાર ગણી શકાય નહીં', ટીકાકારોને જામસાહેબનો જવાબ

ગુજરાતમાં આવતીકાલે લોકસભા ચૂંટણીનું મતદાન છે ત્યારે આ પહેલા જામ સાહેબે એક પત્ર લખ્યો છે..વડાપ્રધાન નરેન્દ્ર મોદી સાથેની તેમની મુલાકાત બાદ તેમણે લખેલો આ પત્ર છે, જેમાં તેમણે વડાપ્રધાન નરેન્દ્ર મોદીના ખુબ વખાણ કર્યા છે. તેમણે કહ્યું કે "નરેન્દ્ર મોદી ન્યાયી છે".. રૂપાલાના નિવેદનને લઇને જે વિવાદ થયો તેને લઇને બોલતા તેમણે કહ્યું કે આ માટે રાષ્ટ્રીય નેતાને જવાબદાર ગણી શકાય નહીં. તેમણે રૂપાલાને લઇને કહ્યું કે રૂપાલાના શબ્દો વિશ્વની કોઇપણ મહિલા અથવા દિકરીના સન્માન અથવા નમ્રતાને કઇ રીતે અસર કરી શકે

જામ સાહેબ સાથેની મુલાકાતની ટીકા કરાઇ હતી

મહત્વપૂર્ણ છે કે વડાપ્રધાન નરેન્દ્રભાઇ મોદીએ તાજેતરમાં જ જામ સાહેબની મુલાકાત લીધી હતી.. એક બાજુ રાજ્યમાં રૂપાલા વિવાદ પૂર્ણપણે શાંત નથી થયો ત્યાં વડાપ્રધાનની આ મુલાકાત ખુબજ મહત્વપૂર્ણ ગણવામાં આવી હતી. રાજપુત સમાજ સંકલન સમિતિ દ્વારા નરેન્દ્ર મોદીની જામ સાહેબ સાથેની મુલાકાતની ટીકા કરવામાં આવી હતી.

પત્ર દ્વારા જામ સાહેબે આપ્યો ટીકાકારોને જવાબ

જામ સાહેબે આ ટીકાની જવાબ આપતો પત્ર લખ્યો હતો.. આ પત્રમાં તેમણે કહ્યું હતું કે વડાપ્રધાન મોદીએ ક્યારેય કોઇ સમુદાય કે મહિલા વિશે ખરાબ શબ્દો ઉચ્ચાર્યા નથી. મોદીએ કરોડો મહિલાઓની મદદ કરવા બંધારણીય સત્તાનો ઉપયોગ કર્યો છે. રાષ્ટ્રીય નેતાને આ ઘટના માટે જવાબદાર ગણાવી શકાય નહીં

વિવાદ

મહત્વપૂર્ણ છે કે રૂપાલાના વિવાદીત નિવેદનને લઇને ક્ષત્રિય સમાજનો એક વર્ગ હજુ પણ રોષમાં છે. . અને રૂપાલાની ટિકીટ રદ ન કરવાને લઇને ક્યાંકને ક્યાંક આ વર્ગ ભાજપ વિરુદ્ધ મતદાન કરવાના મૂડમાં છે. શ્રી રાજપુત ગુજરાત કરણીસેના સહપ્રવક્તા કે.ડી.જાડેજાએ જણાવ્યું હતું કે, નારી અસ્મિતાની લડાઈ કાયમ રહેશે. મહિલાઓનું અપમાન જરા પણ ચલાવી નહીં લેવાય. કચ્છ મોરબીના મત વિસ્તારમાં 3500 જેટલા રાજપુત ક્ષત્રિય સમાજના ભાઈઓ વિવિધ બુથ કેન્દ્રો બહાર કેસરિયા સાફા સાથે કાર્યરત રહેશે જેઓ મતદાતાઓને નારી શક્તિનું જે અપમાન કર્યું છે તે અંગે જણાવશે. તેમજ સમાજ સાથે રહેવાની અપીલ કરશે.