ઠંડીનો નવો રાઉન્ડ / ફરી ગુજરાતમાં ઠંડીનો રાઉન્ડ આવશે! હવામાન વિભાગની કડકડતી આગાહી, જાણો આગામી 5 દિવસ કેવું રહેશે તાપમાન

• આગામી 5 દિવસ વાતાવરણ સૂકું રહેશે 
• હવામાન વિભાગે ઠંડીને લઈને કરી આગાહી 
• 3 દિવસ બાદ તાપમાનમાં ઘટાડો થશે 

રાજ્યના હવામાનને લઈ ફરી એકવાર આગાહી સામે આવી છે. આગામી 5 દિવસ વાતાવરણ સૂકું રહેશે તેમજ 3 દિવસ બાદ તાપમાનમાં ઘટાડો થતા ફરી ઠંડીનો અહેસાસ થશે. આગાહી મુજબ ઉત્તર પશ્ચિમ દિશાના પવનો ફૂંકાતા ઠંડીમાં વધારો થશે અને  વેસ્ટર્ન ડિસ્ટર્બન્સની લીધે સૌરાષ્ટ્ર-કચ્છમાં વાદળછાયું વાતાવરણ રહેશે

'પાંચ દિવસ સુધી રાજ્યમાં વાતાવરણ સૂકુ રહેશે'
રાજ્યના વાતાવરણને લઈ હવામાન વિભાગે આગાહી કરી છે. આગામી પાંચ દિવસ સુધી રાજ્યમાં વાતાવરણ સૂકુ રહેશે. જોકે આગામી ત્રણ દિવસ બાદ તાપમાનમાં ઘટાડો થશે. એકથી બે ડિગ્રી તાપમાનમાં ઘટાડો થતા લોકોને ઠંડીનો અહેસાસ થઈ શકે છે. હાલ પવનની દિશા પશ્ચિમ ઉત્તર પશ્ચિમના પવન ફૂંકાઈ રહ્યા છે જેના કારણે ઠંડી વર્તાઈ શકે છે. તો વેસ્ટર્ન ડિસ્ટર્બન્સની અસરના કારણે કચ્છ સૌરાષ્ટ્ર અને ઉત્તર ગુજરાતમાં વાદળછાયું વાતાવરણ રહેશે તેવી પણ આગાહી છે. હાલ અમદાવાદમાં 20 ડિગ્રી લઘુતમ તાપમાન નોંધાયું જ્યારે ગાંધીનગરમાં 18.5 ડિગ્રી લઘુતમ તાપમાન નોંધાયું છે. જેમાં ત્રણ દિવસ બાદ સમાન્ય ઘટાડો થતા ઠંડીનો અહેસાસ થઈ શકે છે.

વાંચવા જેવું: સ્વેટર કે ગાદલાં મૂકી ના દેતા! ગુજરાતમાં ફરીથી વધશે ઠંડીનું જોર, જાણો અંબાલાલની થથરી જવાય તેવી આગાહી

અંબાલાલ પટેલની આગાહી
હવામાન નિષ્ણાંત અંબાલાલ પટેલે આગાહી કરતા જણાવ્યું હતું કે, 7 ફેબ્રુઆરીથી ફરી રાજ્યમાં ઠંડીનું જોર વધશે.  તેમજ ઉત્તર ગુજરાતનાં અમુક ભાગોમાં તાપમાન 12 ડિગ્રીએ પહોંચશે. તેમજ વહેલી સવારે ઠંડીનો અનુભવ કરી શકશો.  તેમજ તા. 19 થી 22 ફેબ્રુઆરીએ સિસ્ટમ સક્રિય થવાની સંભાવના છે. જેથી લોકો બેવડી ઋતુનો અનુભવ કરી શકશે. અંબાલાલ પટેલે વધુમાં જણાવ્યું હતું કે, 5 ફેબ્રુઆરી સુધી વેસ્ટર્ન ડિસ્ટબન્સ સક્રિય રહેશે. તેમજ રાજસ્થાનના કેટલાક ભાગોમાં કમોસમી વરસાદ થવાની શક્યતા છે. તેમજ ગાજવીજ સાથે વરસાદ પડી શકે છે.