આગાહી / સ્વેટર કે ગાદલાં મૂકી ના દેતા! ગુજરાતમાં ફરીથી વધશે ઠંડીનું જોર, જાણો અંબાલાલની થથરી જવાય તેવી આગાહી

• રાજ્યમાં આગામી સમયમાં લોકો બેવડી ઋતુનો કરશે અનુભવ
• હવામાન નિષ્ણાંતો દ્વારા રાજ્યમાં માવઠાની કરાઈ આગાહી
•  7 ફેબ્રુઆરીથી ફરી રાજ્યમાં ઠંડીનું જોર વધશે

 હવામાન નિષ્ણાંત પરેશ ગોસ્વામીએ આગાહી કરતા જણાવ્યું હતું કે, ઉત્તર ભારતથી વેસ્ટર્ન ડિસ્ટર્બન્સનાં કારણે પવનની દિશામાં ફેરફાર થતા  ફેબ્રુઆરીએ ઉત્તર ગુજરાતના સાબરકાંઠા, બનાસકાંઠા અને પાટણ તથા કચ્છ જીલ્લામાં છૂટાછવાયા સામાન્ય ઝાપટા પડવાની થવાની આગાહી કરવામાં આવી છે.  હવામાન નિષ્ણાંત દ્વારા માવઠાની આગાહી કરવામાં આવતા  ખેડૂતોનો જીવ પડીકે બંધાઈ જવા પામ્યો હતો. 

તેમજ પરેશ ગોસ્વામીએ જણાવ્યું હતું કે, માવઠું સમગ્ર રાજ્યમાં નહી પડે. તેમજ મહત્તમ તાપમાન ઊંચું આવશે. હવે શિયાળો પૂર્ણ થઈ ગયો છે અને ઉનાળાની શરૂઆત થશે. પરંતું તા. 5 અને 6 દરમ્યાન પવનની દિશા બદલાતા તાપમાન નીચું આવવાની સંભાવનાઓ છે. તો કેટલીક જગ્યાએ લઘુત્તમ તાપમાન 15 ડિગ્રી કરવા પણ નીચું રહેવાની શક્યતાઓ છે. 5 ફેબ્રુઆરીથી તા. 12 ફેબ્રુઆરી સુધી શિયાળા જેવો માહોલ જોવા મળી શકે છે. 

હવામાન નિષ્ણાંત અંબાલાલ પટેલે આગાહી કરતા જણાવ્યું હતું કે, 7 ફેબ્રુઆરીથી ફરી રાજ્યમાં ઠંડીનું જોર વધશે.  તેમજ ઉત્તર ગુજરાતનાં અમુક ભાગોમાં તાપમાન 12 ડિગ્રીએ પહોંચશે. તેમજ વહેલી સવારે ઠંડીનો અનુભવ કરી શકશો.  તેમજ તા. 19 થી 22 ફેબ્રુઆરીએ સિસ્ટમ સક્રિય થવાની સંભાવના છે. જેથી લોકો બેવડી ઋતુનો અનુભવ કરી શકશે. 

અંબાલાલ પટેલે વધુમાં જણાવ્યું હતું કે, 5 ફેબ્રુઆરી સુધી વેસ્ટર્ન ડિસ્ટબન્સ સક્રિય રહેશે. તેમજ રાજસ્થાનના કેટલાક ભાગોમાં કમોસમી વરસાદ થવાની શક્યતા છે. તેમજ ગાજવીજ સાથે વરસાદ પડી શકે છે. 

વધુ વાંચોઃ અંતે જૂનાગઢમાં ભડકાઉ ભાષણ આપનારા મૌલાનાની મુંબઇથી ધરપકડ, ગુજરાત ATSની તાબડતોબ કાર્યવાહી

તેમજ ગુજરાતનાં અમુક વિસ્તારોમાં વાદળછાયું વાતાવરણ રહેશે. તેમજ અમુક વિસ્તારમાં વરસાદી ઝાપટા પડવાની શક્યતા છે. કચ્છ અને સૌરાષ્ટ્રના અમુક વિસ્તારમાં વરસાદી માહોલ છવાઈ શકે છે.