AAP કા ક્યા હોગા / CM કેજરીવાલ સામે NIA તપાસનો ઓર્ડર, 16 મિલિયન ડોલર આતંકી ફંડ લેવાનો આરોપ

દારુ કૌભાંડમાં જેલમાં બંધ મુખ્યમંત્રી અરવિંદ કેજરીવાલની મુસીબતનો જલદીથી અંત આવે તેવું લાગતું નથી. હવે કેજરીવાલ સામે એક નવા કેસની તપાસ થશે. દિલ્હીના ઉપરાજ્યપાલ વીકે સક્સેનાએ કેજરીવાલ સામે NIA તપાસનો ઓર્ડર આ્પ્યો છે.

કેજરીવાલ સામે નવો કેસ શું

ઉપરાજ્યપાલ વીકે સક્સેનાએ પ્રતિબંધિત આતંકવાદી સંગઠન શીખ ફોર જસ્ટિસ પાસેથી રાજકીય ફંડ લેવાના આરોપમાં કેજરીવાલ સામે એનઆઈએ તપાસનો ઓર્ડર આપ્યો છે. ઉપરાજ્યપાલને ફરિયાદ મળી હતી કે અરવિંદ કેજરીવાલના નેતૃત્વવાળી આમ આદમી પાર્ટીને દેવેન્દ્ર પાલ ભુલ્લરને છોડી મૂકવામાં મદદ કરવા અને ખાલિસ્તાની તરફી ભાવનાઓને પ્રોત્સાહન આપવા માટે ઉગ્રવાદી ખાલિસ્તાની સમૂહો પાસેથી મોટી રકમ મળી હતી.

વધુ વાંચો : રંગીલો ચૂંટણીવાળો ટીચર ! લેડી કર્મચારીને મોકલ્યાં અશ્લિલ વોટ્સએપ મેસેજ, પત્નીને ખબર પડી તો...

આમ આદમી પાર્ટીને 16 મિલિયન ડોલર મળ્યાનો આરોપ

કેન્દ્રીય ગૃહ સચિવને મોકલવામાં આવેલા લેટરમાં ઉપરાજ્યપાલે એક વીડિયોનો ઉલ્લેખ કર્યો જેમાં આતંકી ગુરપતવંત પન્નુમેએ એવું એલાન કર્યું કે આમ આદમી પાર્ટીને ખાલિસ્તાની જૂથો તરફથી 16 મિલિયન ડોલરની રકમ અપાઈ છે.

દારુ કૌભાંડમાં જેલમાં કેદ

હાલમાં કેજરીવાલ દારુ કૌભાંડમાં જેલમાં કેદ છે. તેમની સામે જાહેર થયેલી આ નવી તપાસ મોટી એજન્સી કરશે અને તેમાં પણ તેમની ધરપકડ થઈ શકે છે.