બ્રેકિંગ ન્યુઝ
ગુજરાતમાં આજે રેકોર્ડ બ્રેક ગરમી, પાંચ શહેરમાં ગરમીનો પારો 44 ડિગ્રીને પાર
દિલ્હી: અરવિંદ કેજરીવાલના PA વિભવ કુમારને ઝટકો, કોર્ટે આગોતરા જામીન અરજી ફગાવી
આ વર્ષે ગુજરાતમાં ચોમાસામાં 106 ટકા વરસાદની પડવાની શક્યતા: અંબાલાલ પટેલ
સ્માર્ટ મીટરના પાયલટ પ્રોજેક્ટ મામલે મહત્વના સમાચાર
હરિયાણાના નુહમાં શ્રદ્ધાળુઓની બસમાં આગ લાગતા, 8નાં મોત, 24 ઘાયલ
PM મોદી આજે ઉત્તર પૂર્વ દિલ્હીના ઘોંડામાં ચૂંટણી રેલીને કરશે સંબોધિત
રાજ્ય સરકારનો અધિકારી-કર્મચારીઓ માટે મહત્વનો નિર્ણય, કર્મચારી-અધિકારીઓને નિયમિત લેવી પડશે તાલીમ
રાજકોટની વીરબાઇ મહિલા કોલેજમાં જાતીય સતામણી મામલે પ્રોફેસરની હકાલપટ્ટી
છોટા ઉદેપુરના બોડેલીમાંથી નકલી મરચું પાવડર બનાવતી ફેક્ટરી ઝડપાઈ, હલકી કક્ષાના મરચું પાવડરમાં અખાદ્ય કલરની ભેળસેળ
જૂનાગઢના વિસાવદર પંથકમાં વરસાદી માહોલ, કમોસમી વરસાદથી ખેડૂતો ચિંતાતૂર
VTV / VTV વિશેષ / પાટીદારોમાં ભાગ પડાવતી પત્રિકા કોણે વાયરલ કરી? સમાજના નામે ભાગલા કોણ પડાવવા માગે છે?
Last Updated: 09:36 PM, 3 May 2024
રાજકીય પક્ષો માટે મોટેભાગે સમાજની વાત ચૂંટણી આવે ત્યારે સવિશેષ આવે. જો કે સમાજની આ વાતમાં સમાજને જોડવાની વાત કરતા સમાજમાં ખટરાગ ઉભો થાય એવી વાત વધારે હોય છે. રાજકોટમાં એક પત્રિકા વાયરલ થઈ જેને લઈને ફરી એકવાર હાઈપ્રોફાઈલ એવી રાજકોટ બેઠક ચર્ચામાં આવી અને ભાજપ-કોંગ્રેસના અપેક્ષાકૃત વાર-પલટવાર પણ થયા. પત્રિકાનો સાર એટલો હતો કે રાજકોટ બેઠક ભૂતકાળમાં લેઉવા પાટીદારની બેઠક હતી જેને હવે સિફતપૂર્વક કડવા પાટીદારને આપી દેવામાં આવી છે. પાટીદાર સમાજ જ્યારે મા ખોડલ અને મા ઉમાના નામે એક હોવાના સોગંદ ખાતો હોય અને લેઉવા તથા કડવા અગ્રણીઓ સાથે મળીને સમાજના સારા કામ કરતા હોય ત્યારે આવી વૈમનસ્ય ફેલાવતી પત્રિકાને કોઈ સ્થાન હોવું જ ન જોઈએ તે એકને એક બે જેવી વાત છે. કોંગ્રેસ કહે છે કે અમારે પત્રિકા સાથે લેવા-દેવા નથી તો બીજી તરફ રાજકોટ ભાજપના જ શહેર પ્રમુખ આ પત્રિકાને લઈને પોલીસમાં અરજી આપે છે અને ફરિયાદના આધારે ચાર યુવકોની અટકાયત થાય છે અને પછી જામીન ઉપર તેનો છૂટકારો પણ થઈ જાય છે. આક્ષેપ-પ્રતિઆક્ષેપની વચ્ચે સવાલ એ છે કે આવી પત્રિકા વાયરલ કરીને પાટીદાર સમાજના ભાગ પાડવાનો બોગદા દ્રષ્ટિનો પ્રયાસ કોણ કરી રહ્યું છે.
ADVERTISEMENT
વાયરલ પત્રિકાનો મુદ્દો
ADVERTISEMENT
વાયરલ થયેલી પત્રિકાથી રાજકારણ ગરમાયું છે. રાજકોટમાં લેઉવા પાટીદાર સમાજના નામે પત્રિકા વાયરલ થઈ છે. પત્રિકા વાયરલ થયા બાદ આક્ષેપ-પ્રતિ આક્ષેપ શરૂ થયા છે. પાટીદાર સમાજમાં ભાગ પડાવવાનો પ્રયાસ કોનો છે? લેઉવા પાટીદાર અને કડવા પાટીદાર વચ્ચે ભેદ કોણ કરાવવા માગે છે? સમાજના નામે ભાગલાવાદી લોકો સક્રિય થયા છે?
રાજકોટમાં શું બન્યું?
લેઉવા પાટીદાર સમાજના નામે પત્રિકા વાયરલ થઈ છે. પત્રિકા મુદ્દે ફરિયાદ દાખલ કરવામાં આવી તેમજ રાજકોટ શહેર ભાજપ પ્રમુખે પોલીસ કમિશનરને રજૂઆત કરી છે. 4 લેઉવા પાટીદાર યુવકોની અટકાયત કરવામાં આવી હતી. દિવસ દરમિયાન ભાજપ-કોંગ્રેસ તરફથી આક્ષેપ-પ્રતિ આક્ષેપ ચાલ્યા. કોર્ટે ચારેય યુવકોને જામીન ઉપર છોડ્યા
વાયરલ પત્રિકાનો સાર શું હતો?
ભૂતકાળમાં રાજકોટ બેઠક ઉપર લેઉવા પટેલને ટિકિટ મળતી હતી. રાજકોટ બેઠક ઉપર લેઉવા પાટીદાર જીત મેળવતા હતા. રાજકોટ બેઠક સિફતપૂર્વક કડવા પાટીદારને આપી દેવામાં આવી છે. પત્રિકામાં આડકતરી રીતે પરેશ ધાનાણીને સમર્થન કરવાની વાત કરાઈ છે. પત્રિકામાં પરશોતમ રૂપાલાનો આડકતરી રીતે વિરોધ કરાયો છે. રાજકોટ બેઠક ફરી લેઉવા પાટીદારની બને તેવી પત્રિકામાં વાત
પત્રિકા વિવાદ અંગે કોંગ્રેસે શું કહ્યું?
અમે કોઈ પત્રિકા વાયરલ કરી નથી. ભાજપ સમાજ વચ્ચે વૈમનસ્ય ઉભું કરવા માગે છે. ભાજપના આંતરિક અસંતોષનું પરિણામ છે. પાટીદાર અને ક્ષત્રિય વચ્ચે વર્ગવિગ્રહનો ભાજપે પ્રયાસ કર્યો. બંને સમાજે અસાધારણ સંયમ બતાવ્યો. લોકોને સ્પર્શતા મુદ્દાઓથી ભાજપને ધ્યાન ભટકાવવું છે
પત્રિકા વિવાદ અંગે ભાજપે શું કહ્યું?
કોંગ્રેસ હતાશ છે તેમજ કોંગ્રેસ પાસે ચૂંટણી લડવાના કોઈ મુદ્દા નથી. સમાજ વચ્ચે વૈમનસ્ય ઉભું કરવાનું કામ કોંગ્રેસ કરે છે. ખોટું કરનારાનું જુઠ્ઠાણું સામે આવી જ જાય છે. ભાજપ કોઈ છૂપા એજન્ડા સાથે ચાલતું નથી
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
ADVERTISEMENT
ટોપ સ્ટોરીઝ
ADVERTISEMENT