ન્યાયિક ચુકાદો / બીજા લગ્નના કિસ્સામાં પણ પતિ પહેલી પત્નીના બાળકોનો સ્વભાવિક પિતા જ ગણાય- HCનો મોટો ચુકાદો

• દિલ્હી હાઈકોર્ટનું મહત્વનું અવલોકન
• પતિને મૃત પહેલી પત્નીના બાળકોનો સ્વાભાવિક પિતા ગણાવ્યો
• કુદરતી માતાપિતાના પ્રેમનો કોઈ વિકલ્પ ન હોઈ શકે 

દિલ્હી હાઈકોર્ટનું તારણ છે કે પહેલી પત્નીના મૃત્યુ બાદ પિતાના બીજા લગ્ન કરવાથી તે પોતાની પહેલી પત્નીથી બાળકના કુદરતી વાલી બનવાથી વંચિત ન રહી  શકે. કોર્ટનું કહેવું એવું છે કે પહેલી પત્નીના મોત બાદ કોઈ બીજા લગ્ન કરે તો પણ તે પહેલી પત્નીથી થયેલા બાળકોનો કુદરતી પિતા જ ગણાય. 
જસ્ટીસ સુરેશકુમાર કૈટ અને જસ્ટીસ નીના બંસલ કૃષ્ણાની ડિવિઝન બેંચે જણાવ્યું હતું કે નાણાકીય સ્થિતિમાં અસમાનતા પણ કુદરતી માતાપિતાને બાળકની કસ્ટડી નકારવા માટે સંબંધિત પરિબળ હોઈ શકે નહીં. ખંડપીઠ સગીર છોકરાના દાદા-દાદી દ્વારા દાખલ કરવામાં આવેલી અપીલની સુનાવણી કરી રહી હતી. તેઓએ ફેમિલી કોર્ટના આદેશને પડકાર્યો હતો, જેણે તેમને છોકરાના વાલી તરીકે નિમણૂક કરવા અને તેની કાયમી કસ્ટડી તેમને સોંપવાની માંગ કરતી તેમની અરજીને ફગાવી દીધી હતી.

કયા કેસમાં અજી 
છોકરાની માતા અને પિતાના લગ્ન 2007 માં થયા હતા. આ છોકરાનો જન્મ 2008માં થયો હતો. દાદા-દાદીનો આરોપ છે કે પતિએ તેમની દીકરીની હત્યા કરી નાખી હતી. તેણે તેના પતિ પર દહેજની માંગ અને પજવણી કરવાનો આરોપ લગાવ્યો હતો.
જો કે 2012માં તેમના નાના-નાની દ્વારા દાખલ કરવામાં આવેલા ફોજદારી કેસમાં પતિ અને તેના પરિવારને નિર્દોષ જાહેર કરવામાં આવ્યા હતા. દાદા-દાદીએ દાવો કર્યો હતો કે પિતા ભાગી ગયા બાદ બાળકને તેમને સોંપવામાં આવ્યું હતું. દાદા-દાદીનો કેસ એવો હતો કે સગીરની કસ્ટડી હંમેશા તેમની પાસે રહી છે અને પિતાના નિર્દોષ જાહેર થયા બાદ જ તેમણે કસ્ટડી ટ્રાન્સફર કરવાની માગણી કરી છે. તેમણે એમ પણ કહ્યું હતું કે પિતાના બીજા લગ્ન છે, જેની સાથે તેમને એક બાળક પણ છે. આ કારણે તે સગીરની સંભાળ રાખવામાં અસમર્થ છે.

 કુદરતી માતાપિતાના પ્રેમનો કોઈ વિકલ્પ ન હોઈ શકે 
કોર્ટે કહ્યું કે, બીજું પાસું, જે ઊભું કરવામાં આવ્યું છે, તે એ છે કે તેણે ફરીથી લગ્ન કર્યા છે અને તેના બીજા લગ્નથી એક બાળક પણ છે, તેથી તેને કુદરતી વાલી કહી શકાય નહીં. જો કે, પિતાએ પ્રથમ પત્ની ગુમાવી હોય તેવા સંજોગોમાં, એકલા બીજા લગ્ન તેમના સ્વાભાવિક વાલી રહેવા માટે ગેરલાયક ઠેરવી શકાતા નથી. કોર્ટે જણાવ્યું હતું કે, "પતિને કુદરતી વાલી બનવાથી ગેરલાયક ઠેરવવા માટે કોઈ સંજોગોને રેકોર્ડ પર લાવવામાં આવ્યા ન હતા અને ફેમિલી કોર્ટે સગીરના વાલી તરીકે નાના-દાદીની નિમણૂક કરવાનો ઈનકાર કર્યો હતો. કોર્ટે કહ્યું કે કુદરતી માતાપિતાના પ્રેમનો કોઈ વિકલ્પ હોઈ શકે નહીં. ચુકાદામાં કહેવામાં આવ્યું છે કે દાદા-દાદીને ભલે બાળક પ્રત્યે અત્યંત પ્રેમ અને સ્નેહ હોય, પરંતુ તે કુદરતી માતાપિતાના પ્રેમ અને સ્નેહનું સ્થાન લઈ શકે નહીં.