તમારા કામનું / Second Hand કાર ખરીદવાના આ 4 ફાયદા તમને કોઈ નહીં કહે, જાણી લીધા તો નવી લેવાનું મન જ નહીં થાય

• સેકેન્ડ હેન્ડ કાર ખરીદવાનાં હોય છે ફાયદા
• નવી કારની તુલનામાં આ કાર સસ્તામાં મળે છે 
• ટેક્સથી લઈને પેમેન્ટ સુધી અનેક પ્રકારનાં લાભ

ઓછા બજેટમાં સારી ગાડી ખરીદવું સામાન્ય જનતા માટે ઘણીવાર અઘરું હોય છે ત્યારે કેટલાક લોકો સેકન્ડ હેન્ડ કાર ખરીદવાનો નિર્ણય કરતાં હોય છે. જો કે સેકન્ડ હેન્ડ ગાડી ખરીદવાનાં ઘણાં ફાયદા હોય છે. નવી કારની તુલનામાં આ કાર સસ્તામાં મળે છે પરંતુ કારનું ડેપ્રિશિએશન નવી કારની તુલનામાં ઓછું હોય છે. 

સેકન્ડ હેન્ડ કારનાં ફાયદા
1. નવી કાર ખરીદતાં સમયે કંપની તમને કાર ધીમી સ્પીડમાં ચલાવવાની સલાહ આપે છે પરંતુ જૂની કારની સાથે આવી કોઈ સમસ્યા હોતી નથી. તમે તેને ખરીદતાની સાથએ જ હાઈ સ્પીડમાં ચલાવી શકો છો.

2. નવી કાર ખરીદ્યાનાં કેટલાક દિવસો બાદ તમને તમારી ગાડી પર સ્ક્રેચ આવવાનો ભય રહે છે પરંતુ જૂની કારમાં આવો કોઈ જ ટેન્શન રહેતો નથી. 

3. જૂની કારની સાથે તમને ટેક્સની પણ કોઈ ચિંતા રહેતી નથી. જ્યારે નવી કાર ખરીદવા પર તમને RTOથી લઈને પર્યાવરણ સેસ સુધી અનેક પ્રકારનાં ટેક્સ ચૂકવવા પડે છે. નવી કારની એક્સ શોરૂમની કિંમતમાં પણ તમારે અનેક લાખ રૂપિયા ચૂકવવા પડી શકે છે પરંતુ સેકન્ડ હેન્ડ કારમાં આવું કંઈજ નથી થતું.

4. જૂની કાર ખરીદતાં સમયે તમને ઓછા બજેટમાં વધુ ફીચરવાળી લોડેડ કાર મળે છે. સેકન્ડ હેન્ડ માર્કેટમાં 3થી 4 લાખ રૂપિયામાં પણ સારી ફીચર્ડ કાર મળે છે જ્યારે નવી ગાડી ખરીદતાં સમયે આ બજેટમાં તમને બેઝિક કાર જ મળી શકશે.