ટીચર્સ ડે / બૉલીવુડમાં આવતા પહેલા શિક્ષક હતા આ સ્ટાર્સ, કોઈ ઇંગ્લિશ તો કોઈ સાયકોલોજી ભણાવતું

• આજે શિક્ષક દિન
• ફિલ્મ ઈન્ડસ્ટ્રીમાં આ કલાકારો, જે પહેલા શિક્ષક હતા
• કોઈ ભણાવતુ હતુ સાઈકોલોજી તો કોઈએ ભણાવ્યો અંગ્રેજી વિષય

સાન્યા મલ્હોત્રા બેલી ડાન્સ શિખવાડતી હતી 

આ યાદીમાં સૌથી પહેલા વાત કરીએ સાન્યા મલ્હોત્રાની. સાન્યા અભિનયની શરૂઆત કરતા પહેલા એક ડાન્સ ટીચર હતી. તે વિદ્યાર્થીઓને બેલી ડાન્સ શિખવાડતી હતી. 

કાદર ખાને પણ એક શિક્ષક તરીકે કામ કર્યુ હતુ

દિગ્ગજ અભિનેતા કાદર ખાન પણ શિક્ષક રહ્યાં છે. 1970થી લઇને 1975 સુધી કાદર ખાને એક શિક્ષક તરીકે કામ કર્યુ હતુ. મુંબઈના એમએચ સાબુ સિદ્દીક કોલેજમાં કાદર ખાન સિવિલ એન્જિનિયરિંગના ક્લાસ લેતા હતા. ત્યારબાદ તેઓ દુબઈ ગયા. જ્યાં તેઓ વિદ્યાર્થીઓને હિન્દી શિખવાડતા હતા. 

અભિનેતા ચંદ્રચુર સિંહ સંગીત ભણાવતા હતા

એક સમયે અભિનેતા ચંદ્રચુર સિંહની ખૂબ ડિમાન્ડ હતી. બોલીવુડમાં પગલુ માંડતા પહેલા ચંદ્રચુર સિંહ દૂન સ્કૂલમાં સંગીત ભણાવતા હતા. એવોર્ડ વિનિંગ મલયાલમ અભિનેત્રી સજિતા પણ કોલેજ લેક્ચરર રહી હતી. આ ઉપરાંત તે થિયેટર નિષ્ણાંત પણ હતી. 

અભિનેતા જગદીશ કુમાર એક પ્રોફેસર રહી ચૂક્યા છે

બોલીવુડ જ નહીં, પરંતુ સાઉથ સિનેમામાં ઘણી એવી સેલિબ્રિટીઓ છે, જે પહેલા શિક્ષક હતી. જેમાં એકનુ નામ અભિનેતા જગદીશ કુમાર છે. જગદીશ કુમાર મલયાલમ ઈન્ડસ્ટ્રીનુ એક જાણીતુ નામ છે. જેનાથી દરેક વ્યક્તિ વાંકેફ છે કે તેઓ ખૂબ ભણેલા ગણેલા હતા. તેઓ તિરૂવનંતપુરમના એમજી કોલેજના પ્રોફેસર રહી ચૂક્યા હતા.  

સિંગર સોમલતા આચાર્ય પણ શિક્ષક રહી ચૂકી છે 

વ્યવસાયે સિંગર સોમલતા આચાર્ય ચૌધરી પણ પહેલા એક શિક્ષક જ હતી. સોમલતા આશુતોષ કોલેજમાં સાઈકોલોજી ભણાવે છે. સોમલતા આ કોલેજમાં જ ભણી છે. જ્યારે તે નાના બાળકોને સાઈકોલોજી ભણાવે છે. તો તેમને આ વાતની ખુશી છે કે જ્યાં તેઓ પહેલા ભણતા હતા ત્યાં તેઓ હવે ભણાવે છે. 

અભિનેત્રી સોહિની સેનગુપ્તા અંગ્રેજીના શિક્ષક તરીકે કર્યુ છે કામ

જાણીતી અભિનેત્રી સોહિની સેનગુપ્તા બંગાળી ઈન્ડસ્ટ્રીમાં ખૂબ લોકપ્રિય છે. અભિનય પહેલા સોહિની સેનગુપ્તા આશરે દસ વર્ષ સુધી બારાનગર રાજકુમાર મેમોરિયલ ગર્લ્સ સ્કૂલમાં અંગ્રેજીની શિક્ષક રહી ચૂકી છે.