ખુશ ખુશાલ / અમદાવાદ,વડોદરાના મનપાના કર્મીઓને પણ દિવાળી ભેટ, વર્ગ-3 અને વર્ગ-4ના કર્મચારીઓને મળશે આટલા ટકાનો પગાર વધારો

• અમદાવાદ,વડોદરાના મનપાના કર્મચારીઓ માટે સારા સમાચાર 
• વર્ગ-3 અને વર્ગ-4ના કર્મચારીઓને મળશે 30 ટકા પગાર વધારો
• બંને મનપાએ વધારો આપવાની કરી જાહેરાત 
• રાજ્ય સરકારના પગલે મનપાએ કર્યા આદેશ

અમદાવાદ,વડોદરાના મનપાના કર્મચારીઓ માટે સૌથી મોટા સમાચાર સામે આવી રહ્યા છે. આ કર્મચારીઓની દિવાળી સુધારી ગઈ હોય તેમાં વર્ગ-3 અને વર્ગ-4ના કર્મચારીઓને એકી સાથે 30 ટકા જેટલો મોટો પગાર વધારો કરવાનો નિર્ણય કરવામાં આવ્યો છે. બંને મહાનગર પાલિકા દ્વારા આ વધારો આપવાની જાહેરાત કરતાની સાથે જ કાર્મચારીઓના ઘરે જાણે લાપસીના આંધણ મુકાયા હોય તેવી સ્થિતિનું નિર્માણ થયું છે.

અમદાવાદ,વડોદરાના મનપાના કર્મચારીઓ માટે સારા સમાચાર , વર્ગ-3 અને વર્ગ-4ના કર્મચારીઓને મળશે 30 ટકા પગાર વધારો, બંને મનપાએ વધારો આપવાની કરી જાહેરાત, રાજ્ય સરકારના પગલે મનપાએ કર્યા આદેશ#Ahmedabad #Vadodara #vtvgujarati pic.twitter.com/JzR2u7Sjfa

— VTV Gujarati News and Beyond (@VtvGujarati) October 23, 2023

 રાજ્યના 61,560 કર્મચારીઓને અપાયો છે આ લાભ

તાજેતરમાં રાજ્યના ફિક્સ પગાર કર્મચારીઓ માટે મુખ્યમંત્રી ભૂપેન્દ્ર પટેલે નિર્ણય કરી ફિક્સ પગાર મેળવતા રાજ્યના તમામ કર્મચારીઓના પ્રવર્તમાન વેતનમાં 30 % જેટલો વધારો  કર્યો છે, તા.1 લી ઓક્ટોબર 2023 થી જ આ નિર્ણયનો અમલ થશે. જેનો રાજ્યના 61,560 કર્મચારીઓને લાભ મળશે. આમ રાજ્ય સરકારના પગલે અમદાવાદ, વડોદરા મનપાએ આદેશ કર્યો છે 

બોર્ડ-નિગમનાં કર્મચારીઓ માટે રાજ્ય સરકાર દ્વારા મહત્વનો નિર્ણય

તાજેતરમાં જ રાજ્યનાં બોર્ડ-નિગમનાં કર્મચારીઓ માટે રાજ્ય સરકાર દ્વારા મહત્વનો નિર્ણય કર્યો હતો.  જેમાં  દિવાળી પહેલા બોર્ડ-નિગમનાં કર્મચારીઓને સાતમા પગાર પંચ મુજબનાં ભથ્થામાં વધારાનો નિર્ણય કર્યો છે. જેમાં ઘર ભાડુ, મોંઘવારી ભથ્થુ, મેડિકલ તેમજ પરિવહન ભથ્થામાં વધારો કરવામાં આવ્યો છે. ત્યારે બોર્ડ-નિગમનાં કર્મચારીઓને સાતમાં પગાર પંચ મુજબનાં ભથ્થા કર્મચારીઓને મળશે. નાણાં વિભાગ દ્વારા શરતોને આધિન બોર્ડ નિગમનાં કર્મચારીઓને લાભ મળશે. તેમજ રાજ્ય સરકારના ખોટ કરતા નિગમનાં કર્મીઓને આ વધારાનો લાભ મળશે નહી તેમ સ્પષ્ટતા પણ કરવામાં આવી છે.