SAFF Championship / ચાલુ મેચમાં સોસાયટીના છોકરાઓની જેમ ઝઘડી પડ્યાં ભારત અને નેપાળના ખેલાડીઓ, જુઓ કેવી થઇ બબાલ

• SAFF ચેમ્પિયનશિપ 2023ની બીજી મેચમાં ભારતે નેપાળને 2-0થી હરાવ્યું
• સુનીલ છેત્રીએ 61મી મિનિટે ગોલ કરીને ભારતને 1-0ની લીડ અપાવી
• બંને ટીમના ખેલાડીઓ વચ્ચે બોલાચાલી અને મારામારી થઈ

SAFF ચેમ્પિયનશિપ 2023ની બીજી મેચમાં ભારતે નેપાળને 2-0થી હરાવ્યું. આ જીત સાથે ભારતે સેમીફાઈનલમાં પોતાનું સ્થાન નિશ્ચિત કરી લીધું છે. ભારત અને નેપાળ વચ્ચેનો પ્રથમ હાફ ડ્રોમાં સમાપ્ત થયો હતો પરંતુ ભારત માટે સુનીલ છેત્રીએ 61મી મિનિટે ગોલ કરીને ભારતને બીજા હાફમાં 1-0ની લીડ અપાવી હતી. આ પછી મહેશ સિંહે 69મી મિનિટે ગોલ કરીને ભારતની લીડ 2-0થી વધારી દીધી હતી. આ દરમિયાન નેપાળની ટીમે બરાબરી કરવાનો પ્રયાસ કર્યો પરંતુ તે થઈ શક્યું નહીં અને આ રીતે ભારતે મેચ 2-0થી જીતી લીધી.

બંને ટીમના ખેલાડીઓ વચ્ચે બોલાચાલી અને મારામારી થઈ
કેપ્ટન સુનિલ છેત્રી અને મહેશ સિંહના ગોલની મદદથી ભારતે શનિવારે તેની બીજી ગ્રુપ મેચ જીતી લીધી હતી. નેપાળને 2-0થી હરાવીને ફૂટબોલ ચેમ્પિયનશિપની સેમિફાઇનલ માટે ક્વોલિફાય કર્યું હતું. જોકે આ દરમિયાન બંને ટીમના ખેલાડીઓ વચ્ચે બોલાચાલી અને મારામારી પણ થઈ હતી. જણાવી દઈએ કે આ બધું મેચની 64મી મિનિટે બન્યું જ્યારે ભારતના રાહુલ ભેકે અને નેપાળના બિમલ મગર હેડર માટે આગળ ગયો. બંને વચ્ચે બોલાચાલી અને મારામારી બાદ અન્ય ખેલાડીઓ પણ સામસામે આવી ગયા હતા.

Never mess with Indian Football team #IndianFootball #NEPIND #Saffchampionship pic.twitter.com/B1DUfBgSpI

— Hari (@Harii33) June 24, 2023

સુનિલ છેત્રીઅને મહેશ સિંહે ગોલ કર્યો હતો
સુનીલ છેત્રીએ આ મેચમાં ભારત માટે ફરી ગોલ કર્યો, જે તેનો ટુર્નામેન્ટનો ચોથો ગોલ છે. તેણે 61મી મિનિટે ગોલ કર્યો અને ત્યારબાદ મહેશ સિંહે 70મી મિનિટે ટીમ માટે બીજો ગોલ કર્યો અને ભારતે સતત બીજી જીત નોંધાવી. અગાઉ, ભારતે બુધવારે ટૂર્નામેન્ટની તેમની શરૂઆતની મેચમાં પાકિસ્તાનને 4-0થી હરાવ્યું હતું જેમાં છેત્રીએ હેટ્રિક ફટકારી હતી. આ મેચમાં પણ ભારત અને પાકિસ્તાનના ખેલાડીઓ વચ્ચે પણ ઝપાઝપી જોવા મળી હતી.

2️⃣ goals in quick succession 🤩 India are through to the #SAFFChampionship2023 Semifinal 👏🏽💙#NEPIND ⚔️ #IndianFootball ⚽️ #BlueTigers 🐯 pic.twitter.com/ByzfjsKSZY

— Indian Football Team (@IndianFootball) June 24, 2023

ભારતે પાકિસ્તાનને 4-0થી હરાવ્યું હતું 
બુધવારે SAFF ચેમ્પિયનશિપની પ્રથમ ગ્રુપ મેચમાં ભારતે પાકિસ્તાનને 4-0થી હરાવ્યું હતું. કુવૈતે ગ્રુપ મેચમાં નેપાળને 3-1થી હરાવ્યું હતું. તે સેમી ફાઇનલમાં પહોંચી ગયું છે.