- છેલ્લાં 10 દિવસથી ચાલતા યુદ્ધ વચ્ચે રશિયાનો અત્યાર સુધીનો સૌથી મોટો નિર્ણય
- યુક્રેનમાં ફસાયેલા લોકોને સલામત બહાર કઢાશે
- રશિયાએ કરી સીઝફાયરની સૌથી મોટી જાહેરાત
ડોનેત્સ્ક, મારિયુપોલ અને અજોવમાં રશિયાએ કર્યું સીઝફાયર
રશિયા-યુક્રેન વચ્ચે છેલ્લાં 10 દિવસથી ચાલતા આ યુદ્ધ વચ્ચે રશિયાએ સૌથી મોટો નિર્ણય લીધો છે. રશિયા દ્વારા એવી જાહેરાત કરવામાં આવી છે કે, યુક્રેનમાં ફસાયેલા લોકોને સલામત બહાર કાઢવા માટે સીઝફાયરનું એલાન કરવામાં આવ્યું છે. જેમાં ભારતીય સમયાનુસાર સવારના 11:30 વાગ્યાથી સીઝફાયરની રશિયાએ જાહેરાત કરી છે. ત્યારે તાજેતરમાં જ રશિયાએ સામાન્ય નાગરિકોને બહાર નીકળી જવાની જાહેરાત સાથે ડોનેત્સ્ક, મારિયુપોલ અને અજોવમાં સીઝફાયર કર્યું છે.
તમને જણાવી દઇએ કે, સતત 10 દિવસથી યુક્રેન અને રશિયા વચ્ચે યુદ્ધ લગાતાર શરૂ છે. એવામાં આ યુદ્ધને લઇને સૌથી મોટા સમાચાર સામે આવ્યાં છે. જેમાં રશિયા દ્વારા સીઝફાયરની સૌથી મોટી જાહેરાત કરવામાં આવી છે. સવારના 11:30 વાગ્યાથી સીઝફાયરની જાહેરાત કરાઇ છે. ત્યારે તાજેતરમાં જ રશિયાએ સામાન્ય નાગરિકોને બહાર નીકળી જવાની જાહેરાત સાથે ડોનેત્સ્ક, મારિયુપોલ અને અજોવમાં સીઝફાયર કર્યું છે. તમને જણાવી દઇએ કે, બંને દેશો વચ્ચે હાલમાં આ મામલે અગાઉ બે વખત વાતચીત થઇ ચૂકી છે. ત્યારે હવે ફરી આજકાલમાં આ મુદ્દે વાતચીત થાય તેવી શક્યતા સેવાઇ રહી છે.
હાલમાં યુક્રેનમાં અનેક ભારતીય વિદ્યાર્થીઓ પણ ફસાયેલા છે. એવામાં તે તમામ લોકો માટે આ રાહતના સમાચાર કહી શકાય. 24 ફેબ્રુઆરીથી બંને દેશો વચ્ચે સતત જંગ શરૂ છે. એવામાં આજે રશિયા દ્વારા યુક્રેનમાં ફસાયેલા લોકોને મોટી રાહત આપવામાં આવી છે. રશિયાએ સીઝફાયરની જાહેરાત કરતા યુક્રેનમાં અટવાયેલા લોકો રાહતનો શ્વાસ લીધો છે.
આવતી કાલથી કેનેડાના PM યુરોપની મુલાકાતે
કેનેડાના વડાપ્રધાન જસ્ટિન ટ્રુડો આવતી કાલે 6 માર્ચના રોજ રશિયા સામેના નવા પ્રતિબંધોનું સંકલન કરવા તેમજ યુક્રેનને સમર્થન દેખાડવા યુરોપના પ્રવાસની શરૂઆત કરશે અને તેઓ 11 માર્ચે યુરોપની મુલાકાત લેશે. ટ્રુડો આ સમયગાળા દરમિયાન યુનાઇટેડ કિંગ્ડમ, લાતવિયા, જર્મની અને પોલેન્ડની યાત્રા કરશે. જેની જાહેરાત કેનેડાના વડાપ્રધાન કાર્યાલય દ્વારા 4 માર્ચે કરવામાં આવી હતી.
