ધર્મ / તુલસી માળા પહેરવાના નિયમ: માંસ-મદિરાને હાથ પણ ન લગાવી શકાય, જાણો કોણ પહેરી શકે અને કોણ નહીં

• તુલસીની માળાનું પણ છે ખૂબ મહત્વ
• તેનાથી થાય છે અનેક પ્રકારના લાભ 
• આ લોકોએ ક્યારેય ન પહેરવી તુલસીની માળા 

સનાતન ધર્મમાં લગભગ દરેક ઘરમાં તુલસીનો છોડ હોય છે. લોકો તેની નિયમ અનુસાર પૂજા કરે છે. પરંતુ તમને જણાવી દઈએ કે તુલસીના છોડ જેટલું જ તુલસીની માળા ધારણ કરવાનું મહત્વ હોય છે. તુલસીની માળા પહેરવાથી વ્યક્તિને અનેક પ્રકારના લાભ પ્રાપ્ત થાય છે. પરંતુ તેના માટે જરૂરી છે કે તુલસીની માળા સાથે જોડાયેલા નિયમો ફોલો કરવામાં આવે. 

ધાર્મિક માન્યતાઓ અનુસાર તુલસીમાં માતા લક્ષ્મીનો વાસ હોય છે અને તુલસીની માળાથી ભગવાન વિષ્ણુના મંત્રનો જાપ ખાસ ફળદાયી માનવામાં આવ્યો છે. એવામાં જો તમે તુલસીની માળા ગળામાં ધારણ કરો છો તો મન અને આત્મા બન્ને પવિત્ર થઈ જાય છે. તેના ઉપરાંત મનમાં સકારાત્મક વિચારનું સંચાર વધવા લાગે છે. 

આ લોકોએ ન પહેરવી જોઈએ તુલસીની માળા 
માંસાહારી અને દારૂ પીતા લોકો 
જો તમે તુલસીની માળા ધારણ કરવાનું વિચારી રહ્યા છો તો તેના સાથે જોડાયેલા નિયમ પણ જાણી લો. જણાવી દઈએ કે જો તમે આ માળાને ધારણ કરી રહ્યા છો તો માંસનું સેવન કરવાથી બચવું જોઈએ. સાથે જ તામસિક ભોજન ન કરવું અને સાત્વિક ભોજન કરવું જોઈએ. 

રૂદ્રાક્ષ ધારણ કરતા લોકોએ ન પહેરવી તુલસીની માળા 
જે વ્યક્તિએ તુલસીની માળા ધારણ કરી છે તેમણે ભૂલથી પણ રૂદ્રાક્ષની માળા ધારણ ન કરવી જોઈએ. નહીં તો તેનો ઉંધો પ્રભાવ તે વ્યક્તિને થઈ શકે છે. 

તુલસીની માળા ધારણ કરવાના નિયમ
માળાને વારંવાર ઉતારો નહીં 
જ્યોતિષ શાસ્ત્રમાં તુલસી સાથે જોડાયેલા ઘણા નિયમ જણાવવામાં આવ્યા છે. જો તમે એક વખત તુલસીની માળા ધારણ કરી લીધી છે તો તેને વારંવાર ભૂલથી પણ ન ઉતારો. આમ કરવાથી તમને સારા ફળની પ્રાપ્તિ થવી મુશ્કેલ છે. 

માળાનું શુદ્ધીકરણ જરૂરી 
તુલસીની માળા ધારણ કરતા પહેલા તેનું શુદ્ધીકરણ કરવું ખૂબ જ જરૂરી છે માળા ધારણ કરવા પહેલા તેને સારી રીતે ગંગાજળથી ધોઈ લો. જ્યારે માળા સુકાઈ જાય ત્યાર બાદ જ તેને ધારણ કરો. 

માળા પહેરીને શૌચાલય ન જાઓ
જ્યોતિષ શાસ્ત્ર અનુસાર જો તમે ગળામાં તુલસીની માળા ધારણ નથી કરી શકતા તો તેને જમણા હાથમાં ધારણ કરી શકાય છે. પરંતુ નિત્ય ક્રિયા વખતે તેને ઉતારી દો. સ્નાન કર્યા બાદ તેને ફરી વખત ગંગાજળથી ધોઈને જ પહેરો.