હાલાકી / વિકાસના રસ્તા પર પડવાની ગેરંટી પાક્કી! અમદાવાદનો આ ખાડો જનતાને દેખાય છે પરંતુ AMCને નહીં

અમદાવાદને સ્માર્ટ સિટીનું બિરુદ તો મળ્યું છે. પરંતુ આ સ્માર્ટ સિટીના રસ્તાઓ સ્માર્ટ નહીં પરંતુ જીવલેણ છે. કારણ કે, અહીં ખાડો કે ભૂવો પડ્યા પછી પણ મહિનાઓ સુધી તંત્ર ઊંઘતું રહે છે. તેવામાં રસ્તાની વચ્ચે પડેલો ખાડો કેવી રીતે લોકો માટે જોખમી બન્યો છે.

વિકાસના રસ્તા પર પડવાની ગેરંટી પાક્કી 
જો રાત્રે નિકળતો અને પાછળ કોઈ બેઠું હોય તો પણ શ્યામલ વાળા રોડ પરથી નીકળો તો ધ્યાન શીધું રસ્તા પર રાખજો હો બાપલા. નહીંતર તમારી કહાનીનો એન્ડ થઈ જશે. અહીં થોડી ગમતમાં પણ તમને ગંભીરતા ચોક્કસણથી સમજાઈ ગઈ હશે. આ દ્રશ્યો શ્યામલ ચાર રસ્તા પાસેના છે. જ્યાં રસ્તાની વચ્ચે વચ્ચ ગટરનું ઢાકણું તૂટી ગયું છે. પરંતુ ઘણા સમયથી તંત્ર ઊંઘી રહ્યું છે. જેના કારણે છેલ્લા બે દિવસમાં 3 થી 4 વાહન ચાલકો રાત્રીના ખાડામાં પટકાતા અકસ્માતનો ભોગ બન્યા. સદનસીબે તમામ લોકોને ઈજાઓ જ પહોંચી. પરતુ ત્યાર પછી પણ તંત્ર ઊંઘે છે. જેના કારણે લોકોમાં રોષ ફેલાયો છે.

વાંચવા જેવું: સહકાર સેવા નહી, મેવા ખાવાનું ક્ષેત્ર બન્યું? ચૂંટણી લડવા કેમ લાગે છે લાઈનો, સગાવાદ કેટલો હાવી?

ખાડાની નજીક કોઈ સ્ટ્રીટ લાઈન નથી
સ્થાનિકોના મતે ખાડાની નજીક કોઈ સ્ટ્રીટ લાઈન નથી. જેથી અંધારામાં ખાડો દેખાતો નથી. જેથી વાહન ચાલકો ખાડાના કારણે અક્સમાતનો ભોગ બને છે. વારંવાર અહીં અકસ્માતની ઘટના બને છે પરંતુ કોઈ કાર્યવાહી નથી થતી. તેવામાં આશા રાખીએ કે,વહેલી તકે ઊંઘતા-ઊંઘતા પણ ગટનું ઢાકણું રિપેર કરવાના અધિકારીઓ આદેશ આપી દેશે. જેથી કોઈને જીવ ન ગુમાવવો પડે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો