- આ વખતે રક્ષાબંધનનાં દિવસે ભદ્રા યોગ
- રાખડી અને મિઠાઈ ખરીદવામાં રાખવું ધ્યાન
- રાખડીમાં કાળો રંગ અશુભ માનવામાં આવે છે
હિંદુ પંચાંગ અનુસાર આ વર્ષે 30 ઓગસ્ટના બુધવારનાં રોજ શ્રાવણી પૂર્ણિમા છે, જે સવારે 10:58 વાગ્યાથી શરૂ થશે અને 31 ઓગસ્ટના રોજ સવારે 07:05 વાગ્યા સુધી રહેશે. જેથી બે દિવસ રક્ષાબંધનની ઊજવણી કરવામાં આવશે. 30 ઓગસ્ટના રોજ સવારે 10:58 વાગ્યાથી ભદ્રા શરૂ થશે અને 30 ઓગસ્ટના રોજ રાત્રે 09:01 વાગ્યે પૂર્ણ થશે. જેથી 30 ઓગસ્ટના રોજ રાત્રે 09:01 વાગ્યાથી 31 ઓગસ્ટના રોજ સવારે 07:05 વાગ્યા સુધી રાખડી બાંધી શકાશે.
રાખડી ખરીદતાં સમયે આ બાબતોનું રાખો ધ્યાન
કાળા રંગની રાખડી ન બાંધવી
રાખડી ખરીદતાં સમયે ધ્યાન રાખવું કે તેમાં કાળા રંગનો થોડો પણ ઉપયોગ ન હોય. આજનાં મોર્ડન યુગમાં ભિન્ન-ભિન્ન પ્રકારની રાખડીઓ બજારમાં મળતી હોય છે. તેને બાંધવામાં આપત્તિ નથી પરંતુ સાથે રક્ષાસૂત્ર બાંધવું.
ગિફ્ટ
બહેનો પાસે રાખડી બંધાવતા સમયે ભાઈઓએ ખાલી હાથ ન જવું જોઈએ. બહેન માટે હંમેશા ગિફ્ટ અને ધન સાથે રાખવું જોઈએ. આ તહેવાર બહેન પ્રતિ પોતાનો પ્રેમ પ્રદર્શિત કરવાનો છે.
મિઠાઈ
ભાઈ માટે મિઠાઈને પસંદ કરતાં સમયે ધ્યાન રાખવું કે મિઠાઈ કડક ન હોય. મિઠાઈ રસમાં હોય જેથી ભાઈ-બહેનની વચ્ચેનો પ્રેમરસ ક્યારેય ઓછો ન થાય. રક્ષાસૂત્રની જેમ મિઠાઈમાં પણ કાળા કે બ્રાઉન રંગ ન હોય તેનું ધ્યાન રાખવું. એટલે કે ચોકલેટ વગેરેની જગ્યાએ પરંપરાગત મિઠાઈઓ જેમકે લાડૂ, દૂધની બરફી, કેસરીયા બરફી, રસમલાઈ વગેરે આપી શકો છો.
