કામની વાત / ના હોય! વૉટર આઇડી કાર્ડ વિના પણ મતદાન કરી શકાય? હા, તો કઈ રીતે?

દેશમાં લોકસભા ચૂંટણી ચાલી રહી છે, દરેક રાજકીય પક્ષો કમર કસીને ચારે તરફ ચૂંટણી પ્રચાર કરી રહ્યા છે. બે તબક્કાનું મતદાન ખતમ થઈ ગયું છે, આગામી 7 તારીખે ગુજરાતમાં તમામ 26 બેઠકો પર મતદાન થવા જઈ રહ્યું છે. આગામી દિવસોમાં મતદારો મતદાન કરીને દેશની નવી સરકારને પસંદ કરશે. મતદાન કરવા માટે વોટર આઈડી કાર્ડ જરૂરી છે. પરંતુ શું તમે જાણો છો કે વોટર આઈડી કાર્ડ વગર પણ તમે બૂથ પર જઈને તમારો વોટ આપી શકો છો? દેશના કોઈપણ નાગરિક કે જેની ઉંમર 18 વર્ષ કે તેથી વધુ છે તે મતદાન કરી શકે છે. ચાલો જાણીએ કે મતદાર આઈડી કાર્ડ વગર કોઈ પોતાનો મત કેવી રીતે આપી શકે.

સૌથી પહેલા તમારે ચૂંટણી પંચની મતદાર યાદીમાં તમારું નામ ઉમેરવું પડશે. આ કામ ઓફલાઈન અને ઓનલાઈન બંને રીતે કરી શકાય છે.

ઓફલાઈન મોડ

ફોર્મ 6 મતદાર નોંધણી અધિકારીઓ, મદદનીશ ચૂંટણી નોંધણી અધિકારીઓ અને બૂથ સ્તરના અધિકારીઓની કચેરીઓમાં ઉપલબ્ધ હોય છે. જરૂરી દસ્તાવેજો મુજબ, અરજી સંબંધિત મતદાર નોંધણી અધિકારી અથવા મદદનીશ ચૂંટણી નોંધણી અધિકારી સમક્ષ રૂબરૂમાં સબમિટ કરી શકાય છે. આ સિવાય તેમને સરનામે પોસ્ટ દ્વારા મોકલી શકાય છે અથવા સંબંધિત મતદાન વિસ્તારના બૂથ લેવલ ઓફિસરને સોંપી શકાય છે.

ઓનલાઈન મોડ

ભારતીય નાગરિકોએ મતદાર યાદીમાં તેમના નામને સામેલ કરવા માટે અરજી કરવા માટે ચૂંટણી પંચની વેબસાઇટ પર ઉપલબ્ધ 'ફોર્મ 6' ભરવું જરૂરી છે. તમારે નામ, જન્મ તારીખ અને સરનામું જેવી ચોક્કસ પર્સનલ ડિટેલ આપવાની રહેશે. આ પછી, સહાયક દસ્તાવેજો અપલોડ કર્યા પછી, પ્રક્રિયા પૂર્ણ કરવા માટે ફોર્મ સબમિટ કરવાનું રહેશે.

વધુ વાંચો: હવેથી કઇ ટિકિટ પર લાગશે કેટલો ચાર્જ? કેન્સલેશનના નિયમોમાં ફેરફાર, જાણો

મતદાર ઓળખકાર્ડ વિના મતદાન કેવી રીતે કરવું

માર્ગદર્શિકા અનુસાર, મતદાર ઓળખ કાર્ડ વિના પણ ચૂંટણીમાં મતદાન કરી શકાશે. જો કે, ચૂંટણી પ્રક્રિયામાં ભાગ લેવા માટે, તમારે ખાતરી કરવી પડશે કે તમારું નામ ચૂંટણી પંચની મતદાર યાદીમાં ઉમેરવામાં આવ્યું છે. જો તમારું નામ મતદાર યાદીમાં નોંધાયેલ હોય તો તેઓ મતદાન કરી શકે છે. એકવાર તમારું નામ મતદાર યાદીમાં ઉમેરાઈ ગયા પછી, તમે મત આપવા માટે પાત્ર બની શકો છો. ભલે તેમની પાસે વોટર આઈડી કાર્ડની હાર્ડ કોપી હોય કે ન હોય.