તમારા કામનું / ઘરમાં ફ્રિજ હોય તો ચોમાસામાં જરૂર ફોલો કરો આ ટિપ્સ, ખિસ્સામાં પૈસા તો બચશે જ, કૂલિંગ પણ બેસ્ટ મળશે

• વરસાદમાં ફુલ સ્પીડથી રેફ્રિજરેટરનો ઉપયોગ ન કરવો જોઈએ.
• જેના કારણે વીજળીનો વપરાશ વધુ થાય છે અને બિલ પણ વધુ આવે છે.
• વરસાદમાં રેફ્રિજરેટરનો ઉપયોગ રેની મોડમાં કરવો જોઈએ.

ઉનાળો, શિયાળો અને વરસાદ એમ ત્રણેય ઋતુઓમાં હવે રેફ્રિજરેટરનો ઉપયોગ થઈ રહ્યો છે. પરંતુ યોગ્ય જાણકારીના અભાવે, તમામ ઋતુઓમાં એક જ ઝડપે રેફ્રિજરેટર ચલાવીએ છીએ, જેનાથી માત્ર રેફ્રિજરેટર પરનો ભાર જ નથી વધતો, પરંતુ વધુ વીજળીના વપરાશને કારણે તમારા ખિસ્સા પરનો ભાર પણ વધી જાય છે.

આવી સ્થિતિમાં, તમારે ઉનાળો, શિયાળા અને વરસાદની ઋતુમાં અલગ-અલગ મોડ પર રેફ્રિજરેટરનો ઉપયોગ કરવો જોઈએ. તેથી જ આવો જાણીએ, વરસાદની ઋતુમાં રેફ્રિજરેટરનો ઉપયોગ કરવાની ટિપ્સ, જેથી તમે તમારા રેફ્રિજરેટરની સેટિંગ્સ બદલીને પૈસા બચાવી શકો.

કયુ રેફ્રિજરેટર યૂઝ કરવુ જોઇએ
હાલ બજારમાં ઇન્વર્ટર રેફ્રિજરેટર્સ આવી રહ્યા છે. આ રેફ્રિજરેટર્સ સામાન્ય ફ્રીજ કરતાં ઓછી વીજળી વાપરે છે. જો તમે નવું ફ્રિજ ખરીદવાનું વિચારી રહ્યા છો, તો તમારે ઇન્વર્ટર ફ્રિજ જ ખરીદવું જોઈએ. જેથી તમારો પાવર વપરાશ ઓછો થઈ શકે અને શક્ય તેટલા પૈસાની બચત થઈ શકે.

રેફ્રિજરેટરમાં હોય છે અનેક મોડ
સામાન્ય રીતે ઇન્વર્ટર રેફ્રિજરેટરમાં ત્રણ મોડ આપવામાં આવે છે, જેમાં ઉનાળો, શિયાળો અને વરસાદનો મોડ હોય છે. આવી સ્થિતિમાં, તમારે તમારા રેફ્રિજરેટરને વરસાદની સિઝનમાં વરસાદી મોડમાં વાપરવો જોઈએ, જેનાથી તમારી વીજળીનો વપરાશ ઓછો થશે અને પૈસાની બચત થશે. ઉલ્લેખનીય છે કે, આ ફંક્શન ફક્ત ઈન્વર્ટર રેફ્રિજરેટરમાં જ છે.

નોર્મલ રેફ્રિજરેટરનો કેવી રીતે યૂઝ કરવુ
જો તમારા ઘરમાં સામાન્ય રેફ્રિજરેટર છે, તો તમારે ચિંતા કરવાની જરૂર નથી. કારણ કે સામાન્ય રેફ્રિજરેટરમાં તમને કૂલિંગ સ્પીડની સુવિધા આપવામાં આવી છે. આવી સ્થિતિમાં, તમે વરસાદની સિઝનમાં સામાન્ય રેફ્રિજરેટરને મધ્યમ પર ચલાવી શકો છો.