વાતાવરણમાં પલટો / રાજ્યમાં અનેક સ્થળોએ વરસાદી માહોલ, ક્યાંક હળવા ઝાપટા તો ક્યાંક તોફાની પવન સાથે વરસાદ

રાજ્યભરના વાતાવરણમાં પલટો આવ્યો છે.. ક્યાંક ધીમો તો ક્યાંક તોફાની પવન સાથે વરસાદ નોંધાયો છે. માવઠાની આ સ્થિતિએ ખેડૂતોમાં ચિંતા ઉભી કરી છે. અને પાકને મોટા નુકસાનની ભીતિ ઉભી થઇ છે. 

બનાસકાંઠા

બનાસકાંઠા જિલ્લામાં આજે કમોસમી વરસાદ શરૂ થયો છે. ખાસ કરીને ભારે બફારા અને ઉકળાટ બાદ પવન સાથે વરસાદ શરૂ થયો હતો.બનાસકાંઠા જિલ્લાના સરહદી સૂઇગામ તાલુકાનાં અનેક ગામડાંઓમાં પવન સાથે કમોસમી વરસાદ શરૂ થતા લોકોએ ગરમીમાંથી રાહત મેળવી હતી પરંતુ સરહદી વિસ્તારમાં બાજરી અને જુવારના પાકને લઈ ખેડૂતો ચિંતામાં મુકાયા છે...

જૂનાગઢ

આ તરફ સૌરાષ્ટ્રની વાત કરીએ તો જૂનાગઢના વિસાવદર પંથકમાં કમોસમી વરસાદી ઝાપટા પડ્યા હતા. .દુધાળા, રાજપરા, માણંદીયા, સતાધાર સહિતના વિસ્તારોમાં વરસાદી માહોલ જોવા મળ્યો . અચાનક જ આવેલા કમોસમી માવઠાથી ખેતી પાકોને નુકસાન પહોંચ્યું છે. ઘઉં, ચણા, મગ સહિતના પાકને નુક્સાન થયું છે. 

આ પણ વાંચોઃ ગુજરાતની આ જાણીતી જગ્યાએ જવાનું વિચારતા હોય તો સાવધાન, તંત્રએ આપ્યું એલર્ટ, કહ્યું 3 દિવસ જતાં નહીં

દ્વારકા

દેવભૂમિ દ્વારકાની વાત કરીએ તો અહીં ખંભાળિયા અને ભાણવડ તાલુકામાં ભારે પવન સાથે કમોસમી વરસાદ ત્રાટક્યો હતો. ગુંદા, મોટી ખોખરી અને ભાણ ખોખરી સહિતના ગામોમાં વરસાદ પડ્યો હતો.. કમોસમી વરસાદને લઈ અહીં પણ ખેડૂતોને નુકસાન થવાની ભીતિ ઉભી થઇ છે.

અરવલ્લી

અરવલ્લી જિલ્લાના વાતાવરણમાં પણ પલટો આવ્યો છે.. ભિલોડા પંથકમાં કમોસમી વરસાદ ત્રાટક્યો હતો.  ભિલોડા,મઉ,ધોલવાની સહિતના વિસ્તારમાં વરસાદ પડ્યો હતો. કમોસમી વરસાદથી ખેડૂતોની ચિંતા વધી

TV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો