ગુજરાત / દેવ ગ્રૂપ પર ITના દરોડામાં મોટી કરચોરીનો ખુલાસો, અધધ આટલા કરોડની કરચોરીની કબૂલાત

ઈન્કમેટક્સ વિભાગ દ્વારા દેવ ગ્રુપના અમદાવાદ, જામનગર, મોરબી અને માળિયામાં 20 જેટલા સ્થળે દરોડા પાડવામાં આવ્યા હતા. આ દરોડામાં કરોડોના બિનહિસાબી વ્યવહારો મળી આવ્યા છે અને રૂ. 150 કરોડની કરચોરી પકડાઈ છે. ઈન્કમેટક્સ વિભાગ દ્વારા રૂ. 3.5 કરોડની રોકડ રકમ મળી છે અને અઢી કિલો સોનું જપ્ત કરાયું છે.

રૂ.150 કરોડનું જમીન રોકાણ

આવકવેરા વિભાગ દ્વારા 16 બેંક લોકર સીઝ કરાયા હતા અને તે પૈકી 3 બેંક લોકર ઓપરેટ કરવામાં આવ્યા છે. ઈન્કમટેક્સ વિભાગને જમીન ખરીદીના વ્યવહારો મળ્યા છે અને રૂ.150 કરોડનું જમીન રોકાણ કરવામાં આવ્યું હોવાની માહિતી સામે આવી છે. આ ઉપરાંત 20 જેટલા સ્થળે પાડવામાં આવેલા દરોડામાં ઈન્કમટેક્સ વિભાગને જમીન ખરીદીના વ્યવહારો મળ્યા હતા. ત્યારે આઇટી વિભાગ દ્વારા વધુ કાર્યવાહી હાથ ધરવામાં આવી છે.

વધુ વાંચોઃચાલુ ડાયરામાં માયાભાઈ આહીરને આવ્યો હાર્ટ એટેક! અમદાવાદની ખાનગી હોસ્પિટલમાં દાખલ

99 વર્ષના લીઝ પર લેવામાં આવતી જમીન

દેવ ગ્રુપ અને તેની સાથે સંકળાયેલાઓ દ્વારા ઉત્પાદન કરવામાં આવતા લિક્વિડ બ્રોમાઈન કોન્સન્ટ્રેટનું ઈન્ડસ્ટ્રીઝને વેચાણ કરવામાં આવ્યું હોવાના જંગી રકમના બિનહિસાબી વ્યવહારો મળી આવ્યા છે. દેવ ગ્રુપ અને તેની સાથે સંકળાયેલાઓ દ્વારા મીઠાના ઉત્પાદન માટે પાણીના મૂલે 99 વર્ષના લીઝ પર લેવામાં આવતી જમીન અન્ય પક્ષકારોને વારદીઠ રૂ. 4થી રૂ. 5 લાખના ભાવે વેચી દેવામાં આવતી હોવાનું ચર્ચાઈ રહ્યું છે. આ ગ્રુપ દ્વારા ચોપડે દર્શાવ્યા વિના નાણાં, રીઅલ એસ્ટેટ તથા હોસ્પિટાલિટીના ધંધામાં ટ્રાન્સફર કરતાં હોવાની મળેલી બાતમીના પગલે ઇન્કમટેક્ષ વિભાગે આ ગ્રૂપ પર સર્ચની કામગીરી હાથ ધરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ