રાજનીતિ / 'જોઈએ તો મારા 50 ઘર લઈ લો પણ'... સંસદ સભ્યપદ રદ થયા બાદ વાયનાડમાં રાહુલે કર્યું મોટું એલાન

• રાહુલ ગાંધીએ વાયનાડમાં BJP પર કર્યો હુમલો
• કહ્યું હું ભારતનાં લોકોનો મુદો ઊઠાવતો રહીશ
• હું ખુશ છું કે તેમણે મારું ઘર લઈ લીધું- રાહુલ

કોંગ્રેસ નેતા રાહુલ ગાંધીએ મંગળવારે વાયનાડમાં જનસભાને સંબોધિત કરતાં BJP પર પ્રહાર કર્યો હતો. તેમણે કહ્યું કે 50 વખત મારા ઘરને લઈ લો, હું વાયનાડ અને ભારતનાં લોકોનાં મુદાઓ ઊઠાવતો રહીશે. ચાર વર્ષ પહેલાં હું અહીં આવ્યો હતો અને તમારો સાંસદ બન્યો હતો. તેઓ વિચારે છે કે મારા ઘરે પોલીસ મોકલીને અથવા મારા ઘરને લઈને તે મને ડરાવી દેશે પરંતુ હું ખુશ છું કે તેમણે મારું ઘર લઈ લીધું.

#WATCH | Kerala: MP is just a tag or position and BJP can take my tag, position, and house, or they could put me in jail, but they cannot stop me from representing the people of Wayanad: Congress leader and former Wayanad MP, Rahul Gandhi pic.twitter.com/ZsbPLP6pWL

— ANI (@ANI) April 11, 2023

સાંસદ તો બસ એક ટેગ છે- રાહુલ
રાહુલ ગાંધીએ કહ્યું કે સાંસદ તો બસ એક ટેગ છે. આ એક પદ છે તેથી ભાજપ ટેગ હટાવી શકે છે અને પદ લઈ શકે છે. તે ઘર લઈ શકે છે અને તે મને જેલમાં પણ નાખી શકે છે પરંતુ તે મને વાયનાડનાં લોકોનું પ્રતિનિધિત્વ કરવાથી રોકી નહીં શકે. મેં સંસદમાં પીએમ મોદીથી એક ઉદ્યોગપતિને લઈને પ્રશ્ન પૂછ્યો કે અદાણી સાથે પોતાના સંબંધને એક્સપ્લેન કરો. પહેલીવાર તમે જોયું કે સરકારે જ સંસદને ચાલવા ન દીધી. કંઈપણ થઈ જાય પરંતુ હું થોભવાનો નથી.

અયોગ્ય ઘોષિત થયાં બાદ પહેલીવાર વાયનાડ પહોંચ્યાં
કોંગ્રેસ નેતા રાહુલ ગાંધી લોકસભાની સદસ્યતાથી અયોગ્ય ઘોષિત થયા બાદ મંગળવારે પહેલીવાર વાયનાડ પહોંચ્યાં હતાં. તેમની સાથે તેમની બહેન પ્રિયંકા ગાંધી વાડ્રા પણ હાજર હતી. કલપેટ્ટામાં રાહુલ ગાંધીનાં સ્વાગત માટે યૂડીએફનાં નેતાઓ અને કાર્યકર્તાઓ સહિત મોટી સંખ્યામાં લોકો જોડાયા હતાં.