જવાબદારી / હોસ્પિટલમાં જગ્યા ન મળતા ગર્ભવતી ભારતીય મહિલાનું મોત: પોર્ટુગલના સ્વાસ્થ્ય મંત્રીએ પદ પરથી રાજીનામું આપી દીધું

• પોર્ટુગલમાંથી એક અજીબોગરીબ કિસ્સો સામે આવ્યો 
• ભારતીય મહિલા પર્યટકનું મોત થતાં સ્વાસ્થ્ય મંત્રીએ રાજીનામું આપી દીધું
• ભારતીય મહિલા પ્રેગ્નેટ હતી અને તેને હોસ્પિટલમાં જગ્યા મળી નહોતી

પોર્ટુગલના સ્વાસ્થ્યમંત્રી માર્તા ટેમિડોએ એ રિપોર્ટ્સ સામે આવ્યાના થોડા કલાકોમાં જ રાજીનામું આપી દીધું, જેમાં એ દાવો કરવામાં આવ્યો હતો કે, મેટરનિટી વોર્ડમાં જગ્યા ન હોવાના કારણે એક ગર્ભવતી મહિલા પર્યટકને ભરતી ન કરતા તેનું મોત થઈ ગયું છે. ભરતી થવા માટે લિસ્બનમાં હોસ્પિટલના ચક્કર કાપવા દરમિયાન 34 વર્ષિય ભારતીય મહિલા કથિત રીતે કાર્ડિયક અરેસ્ટનો સામનો કરવો પડ્યો હતો. પોર્ટુગલમાં આ પ્રકારની ઘટના સામે આવી ચુકી છે. મીડિયા રિપોર્ટ્સનું માનીએ તો, અહીંની હોસ્પિટલમાં મેરનિટી વોર્ડમાં સ્ટાફની ભારે કમી છે. 

માર્તા ટેમિડો 2018થી પોર્ટુગલના સ્વાસ્થ્ય મંત્રી હતા. તેમણે કોરોના મહામારીની ભયાનકતાથી પોતાના દેશને સફળતાપૂર્વક બહાર કાઢવાનો શ્રેય આપવામાં આવે છે. પણ મંગળવારે, સરકારે એક નિવેદનમાં કહ્યું કે, ટેમિડોને એવો અહેસાસ થયો કે, તેમની પાસ હવે આ પદ પર રહેવાનું કોઈ કારણ નથી, પોર્ટુગલની સમાચાર એજન્સીના જણાવ્યા અનુસાર, પ્રધાનમંત્રી એંટોનિયો કોસ્ટાએ કહ્યું કે, ગર્ભવતી ભારતીય મહિલા પર્યટકનું મોતના કારણે ડો. ટેમિડોએ રાજીનામું આપવું પડ્યું.

સાંતા મારિયા હોસ્પિટલમાં નિયોનેટોલોજી યુનિટમાં જગ્યા ન મળી

આ ઘટના બાદ પોર્ટુગલ સરકારે મેટરનિટી યુનિટ્સમાં કર્મચારીઓની કમીના નિવારણ તેમાંથી અમુકને હંગામી ધોરણે બંધ કરવા અને ગર્ભવતી મહિલાઓને હોસ્પિટલની વચ્ચે જોખમભર્યા સ્થાળાંતરણથી પસાર થવા માટે મજબૂર કરવા માટે ભારે ટિકાનો સામનો પડી રહ્યો છે. સ્થાનિક મીડિયાએ જણાવ્યું છે કે, પોર્ટુગલની સૌથી મોટી હોસ્પિટલ, સાંતા મારિયા, જે રાજધાની લિબ્સનમાં આવેલી છે, તેના નિયોનેટોલોજી યુનિટમાં જગ્યા નહોતી, એટલા માટે ગર્ભવતી પર્યટક મહિલાને ભરતી કરવામાં આવી નહીં, બીજી હોસ્પિટલમાં પહોંચે ત્યાં સુધીમાં તેનું મોત થઈ ગયું હતું.

ઈમરજન્સી સિજેરિયન સેક્શન બાદ બાળકને બચાવી લેવામાં આવ્યું

અધિકારીઓએ જણાવ્યું હતું કે, એક ઈમરજન્સી સિજેરિયન સેક્શન બાદ તેના બાળકને બચાવી લેવામાં આવ્યું હતું. જે હેલ્થી છે. મહિલાના મોતના તપાસ થઈ રહી છે. હાલના મહિનામાં પોર્ટગુલમાં આવી રીતની ઘટનાઓ આવી છે, જેમાં બે અલગ અલગ શિશુઓના મોત થઈ ગયા છે. કારણ કે, ગર્ભવતી મહિલાઓને એક હોસ્પિટલમાંથી બીજી હોસ્પિટલમાં ટ્રાંસફર દરમિયાન તેમને ડિલીવરીમાં અડચણોનો સામનો કરવો પડ્યો હતો. પોર્ટુગલમાં સ્વાસ્થ્ય કર્મીઓની ભારે કમી  છે. ખાસ કરીને સ્ત્રી રોગ અને પ્રસૂતિમાં સ્ટાફની કમી છે. આ જ કારણ છે કે, સરકારે વિદેશમાંથી હેલ્થ સ્ટાફ આઉટસોર્સ કરવા પડે છે.