ષડયંત્ર / RSSના નાગપુર મુખ્યાલય પર જૈશના આતંકીઓએ રેકી કર્યાના ઈનપુટ મળતા હડકંપ, લેવાયો મોટો નિર્ણય

• નાગપુર ખાતેના RSS હેડક્વાર્ટરની સુરક્ષા વધારાઇ
• જૈશના આતંકીઓએ નાગપુરમાં રેકી કરી હોવાના ઇનપુટ
• નાગપુરના અનેક સ્થળોની રેકી કરાયા હોવાના ઇનપુટ

હજુ સુધી એ જાણી શકાયું નથી કે આતંકી પકડાયો છે કે નહીં. નાગપુરના પોલીસ કમિશ્નર અમિતેશ કુમારે જણાવ્યું કે થોડા દિવસો પહેલા એવી માહિતી મળી હતી કે જૈશ-એ-મોહમ્મદના એક આતંકવાદીએ તાજેતરમાં જ રાષ્ટ્રીય સ્વયંસેવક સંઘ (RSS)ના મુખ્યાલયની રેકી કરી હતી. 

RSS મુખ્યાલયની સુરક્ષા વધારી દેવામાં આવી

તેમણે કહ્યું કે જૈશના હુમલાની સંભાવનાને જોતા RSS મુખ્યાલયની સુરક્ષા વધારી દેવામાં આવી છે. ગુપ્તચર એજન્સી તરફથી મળેલા ઈનપુટ બાદ નાગપુરમાં એલર્ટ જાહેર કરવામાં આવ્યું છે.

આતંકીઓ પાર પાડી શકે મોટું ઓપરેશન

સુરક્ષા એજન્સીઓને મળેલા ઈનપુટ મુજબ, પ્રજાસત્તાક દિવસ દરમિયાન અને વિધાનસભાની ચૂંટણીઓ દરમિયાન ભીડવાળા સ્થળો તેમજ બજારોને તેમજ હાઈ-પ્રોફાઈલ રાજકારણીઓ અને સુરક્ષા દળોના પરિસરને નિશાન બનાવવા આતંકવાદીઓ હુમલા અથવા વિસ્ફોટની યોજના બનાવી શકે છે. સુરક્ષા એજન્સીઓએ તેમના જારી એલર્ટમાં કહ્યું છે કે આતંકવાદીઓ અને અસામાજિક તત્વોના વિવિધ જૂથો સુરક્ષા દળોના પરિસર, ભીડવાળા સ્થળો/બજારો, રેલ્વે સ્ટેશન, બસ સ્ટેન્ડ, ધાર્મિક સ્થળો, મહત્વપૂર્ણ સ્થાપનો અને ઉચ્ચ પ્રોફાઇલ નેતાઓ પર હુમલો કરે અથવા વિસ્ફોટ કરે તેવી શક્યતા છે. 

આતંકવાદી હુમલાના ઈનપુટ મળ્યા બાદ સુરક્ષા વધારી દેવામાં આવી છે

પ્રજાસત્તાક દિવસ અને વિધાનસભા ચૂંટણી દરમિયાન આતંકવાદી હુમલાના ઈનપુટ મળ્યા બાદ સુરક્ષા એજન્સીઓએ સુરક્ષા દળોને સતર્ક રહેવા જણાવ્યું છે. ઈનપુટને પગલે એજન્સીઓએ રાજધાની અને દેશના અન્ય ભાગોમાં ચૂંટણી રાજ્યોમાં તૈનાત અધિકારીઓ અને સૈનિકોની સાથે પ્રજાસત્તાક દિવસની ઉજવણી માટે વિગતવાર ચેતવણી જારી કરી છે. એલર્ટમાંના ઇનપુટ્સનું સંકલન કરતો વિગતવાર અહેવાલ સુરક્ષા સાથે શેર કરવામાં આવ્યો હતો.

તમામ એજન્સીઓ વચ્ચે સંકલન જાળવવા એલર્ટ કરાયું જાહેર

એલર્ટમાં વરિષ્ઠ અધિકારીઓને સુરક્ષા કવાયત માટે તૈયાર રહેવા, અચાનક હુમલાની સ્થિતિમાં જવાબ આપવા, તમામ સહાયક એજન્સીઓ સાથે જરૂરી સંકલન રાખવા માટે કહેવામાં આવ્યું છે. આ સાથે સૈનિકોને પહેલાથી જ આવી સ્થિતિ વિશે માહિતી આપવા માટે કહેવામાં આવ્યું છે. આ સાથે, માહિતીના ઝડપી વિનિમય અને અસરકારક સંકલન માટે તમામ કંટ્રોલ રૂમ ચોવીસ કલાક કાર્યરત હોવા જોઈએ. તેમને સમયસર માહિતી મેળવવા માટે તેમના પોતાના સ્ત્રોતોને સક્રિય કરવા ઉપરાંત, વિસ્તારની ગુપ્તચર એજન્સીઓ અને નાગરિક પોલીસ સાથે ગાઢ સંપર્ક જાળવવા માટે કહેવામાં આવ્યું છે. જેથી કરીને કોઈપણ આતંકવાદી ઘટનાને નિષ્ફળ બનાવી શકાય.