બ્રેકિંગ ન્યુઝ
બ્રેકિંગ ન્યુઝ
VTV / લાઈફસ્ટાઈલ / તમારા કામનું / PM સૂર્ય ઘર યોજના: દર મહિને 300 યુનિટ મફત વીજળી અને 3 kW સોલર પેનલ પર ₹78,000 સુધીની સબસીડી
5 ફોટો ગેલેરી
Last Updated: 05:52 PM, 26 July 2026
FOLLOW ON
શેર કરો
1/5
દેશમાં ગરમી અને અસહ્ય બફારા વચ્ચે લોકો ઘરોમાં પંખા, કુલર, એસી અને ફ્રિજનો વપરાશ વધારી રહ્યા છે, જેના કારણે તેમને વધતા વીજળીના બિલની ચિંતા સતત સતાવી રહી છે. જોકે, જે લાખો લોકોએ 'પીએમ સૂર્ય ઘર મફત વીજળી યોજના' (PM Surya Ghar Muft Bijli Yojana) હેઠળ પોતાના ઘરની છત પર સોલર પેનલ લગાવી દીધી છે, તેઓ બિલની ચિંતા વગર ઠંડકનો આનંદ માણી રહ્યા છે, કારણ કે આ યોજનામાં 300 યુનિટ સુધી મફત વીજળી મળવાની જોગવાઈ છે.
આ તસવીર શેર કરો
2/5
પીએમ સૂર્ય ઘર યોજના કેન્દ્ર સરકારની એક મહત્વાકાંક્ષી યોજના છે, જેને વડાપ્રધાન નરેન્દ્ર મોદી દ્વારા વર્ષ 2024 માં લોન્ચ કરવામાં આવી હતી. આ યોજનામાં માત્ર 300 યુનિટ મફત વીજળી જ નથી મળતી, પરંતુ ઘરની છત પર સોલર પેનલ લગાવવા માટે લોકોને આર્થિક સહાય પણ આપવામાં આવે છે. વીજ વપરાશના આધારે અલગ-અલગ ક્ષમતાની સોલર પેનલ પર થતા ખર્ચ માટે સરકાર પોતે સબસીડી આપીને મદદ કરે છે. અત્યાર સુધીમાં આ યોજના હેઠળ લગભગ 27 લાખ ઘરો સોલર ઊર્જાથી રોશન થઈ ચૂક્યા છે, જ્યારે સરકારનો લક્ષ્યાંક 1 કરોડ ઘરો સુધી સોલર પેનલ પહોંચાડવાનો છે.
આ તસવીર શેર કરો
3/5
3 kW સોલર પેનલ: જો તમે 3 કિલોવોટની સોલર પેનલ લગાવો છો, તો તેનો અંદાજિત ખર્ચ 1.5 લાખથી 2 લાખ રૂપિયા સુધી આવી શકે છે. આના પર કેન્દ્ર સરકાર 78,000 રૂપિયાની સબસીડી આપે છે. આ રકમ સીધી તમારા બેંક ખાતામાં જમા થાય છે અથવા લોન ખાતામાં એડજસ્ટ થઈ જાય છે. દેશના અલગ-અલગ રાજ્યો સોલર મિશન હેઠળ પોતાની રીતે વધારાની સબસીડી પણ આપે છે. ઉદાહરણ તરીકે, ઉત્તર પ્રદેશમાં કેન્દ્રીય સબસીડી ઉપરાંત 3 કિલોવોટ કે તેથી વધુની પેનલ પર રાજ્ય સરકાર દ્વારા 30,000 રૂપિયાની વધારાની સહાય મળે છે. જેનાથી કુલ સબસીડી વધીને 1.08 લાખ રૂપિયા થઈ જાય છે.
આ તસવીર શેર કરો
4/5
જો તમારો માસિક વપરાશ 0 થી 150 યુનિટ હોય, તો 1 થી 2 કિલોવોટની સોલર પેનલ પૂરતી છે, જેના પર 30,000 થી 60,000 રૂપિયા સુધીની સબસીડી મળે છે. સોલર પેનલ ઇન્સ્ટોલેશન માટે લોન મેળવવા કે વધુ માહિતી માટે તમે ટોલ-ફ્રી હેલ્પલાઇન નંબર 15555 પર સંપર્ક કરી શકો છો.
આ તસવીર શેર કરો
5/5
પીએમ સૂર્ય ઘર મફત વીજળી યોજના હેઠળ અરજી કરવી ખૂબ જ સરળ છે. આ માટે માત્ર 5 મિનિટનો સમય કાઢીને ઓફિશિયલ પોર્ટલ https://pmsuryaghar.gov.in પર જઈને નીચે મુજબના સ્ટેપ્સ ફોલો કરવાના રહેશે: સૌથી પહેલા અધિકૃત વેબસાઇટ https://pmsuryaghar.gov.in પર જાવ. હોમપેજ પર આપેલા 'Apply for Rooftop Solar' વિકલ્પ પર ક્લિક કરો. નવા પેજ પર તમારું રાજ્ય અને વીજ વિતરણ કંપની (DISCOM) પસંદ કરો. તમારો ગ્રાહક નંબર (Consumer Number), મોબાઇલ નંબર અને ઇમેઇલ આઇડી દાખલ કરો. હવે ગ્રાહક નંબર અને મોબાઇલ નંબર દ્વારા લોગિન કરો. પોર્ટલ પર આપેલા માર્ગદર્શિકા મુજબ RTS (રૂફટોપ સોલર) પેનલ માટે અરજી ફોર્મ ભરો. અરજી કર્યા બાદ તમને ફિઝિબિલિટી એપ્રૂવલ (Feasibility Approval) મળશે. એપ્રૂવલ મળ્યા પછી તમે તમારા DISCOM સાથે રજિસ્ટર્ડ વેન્ડર પાસે સોલર પેનલ ઇન્સ્ટોલ કરાવી શકો છો. ઇન્સ્ટોલેશન પૂર્ણ થયા પછી પ્લાન્ટની વિગતો સાથે નેટ મીટર (Net Meter) માટે અરજી કરવાની રહેશે. મીટર ઇન્સ્ટોલ થયા બાદ અને DISCOM દ્વારા તપાસ પૂર્ણ થયા પછી કમિશનિંગ સર્ટિફિકેટ જારી કરાશે. સર્ટિફિકેટ મળ્યા બાદ પોર્ટલ પર બેંક ખાતાની વિગતો અને કેન્સલ ચેક અપલોડ કરવાનો રહેશે, જેના પછી સબસીડીની રકમ સીધી તમારા ખાતામાં આવી જશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
