દુ:ખદ / PM મોદીના માતા હિરાબાનું નિધન, ટ્વિટ કરીને કહ્યું શાનદાર શતાબ્દીનો ઈશ્વર ચરણોમાં વિરામ

• વડાપ્રધાન મોદીના માતૃશ્રી હીરાબાનું નિધન
• છેલ્લાં 2 દિવસથી હોસ્પિટલમાં સારવાર હેઠળ હતા
• PM મોદીએ હીરાબાના નિધન પર ટ્વિટ કરીને દુ:ખ વ્યક્ત કર્યું

વડાપ્રધાન મોદીના માતૃશ્રી હીરાબાનું નિધન થયું છે. તેઓએ 18 જૂન 2022ના રોજ 100 વર્ષ પૂરા કરી લીધા હતા. છેલ્લાં 2 દિવસથી હોસ્પિટલમાં સારવાર હેઠળ હતા. PM મોદીએ માતા હીરાબાના નિધન પર ટ્વિટ કરીને દુ:ખ વ્યક્ત કર્યું છે.

शानदार शताब्दी का ईश्वर चरणों में विराम... मां में मैंने हमेशा उस त्रिमूर्ति की अनुभूति की है, जिसमें एक तपस्वी की यात्रा, निष्काम कर्मयोगी का प्रतीक और मूल्यों के प्रति प्रतिबद्ध जीवन समाहित रहा है। pic.twitter.com/yE5xwRogJi

— Narendra Modi (@narendramodi) December 30, 2022

PM મોદીએ ટ્વિટમાં હીરાબાના 100માં જન્મદિવસ પર માતા સાથે વિતાવેલા પળોને યાદ કરી લખ્યું કે, "જ્યારે હું માતાના 100માં જન્મદિવસે મળ્યો ત્યારે તેમણે એક વાત કહી હતી, જે હંમેશા યાદ રહે છે કે બુદ્ધિથી કામ કરો, શુદ્ધતાથી જીવન જીવો,"

વધુમાં તેમણે લખ્યું કે "એક ગૌરવપૂર્ણ સદી ભગવાનના ચરણોમાં વિરાજે છે. મે માતાને જોઈને હંમેશા ત્રિમૂર્તીનું અનુભવ કર્યું છે.. જેમાં એક તપસ્વીની યાત્રા છે, નિઃસ્વાર્થ કર્મયોગીનું પ્રતીક છે અને મૂલ્યો પ્રત્યે પ્રતિબદ્ધ જીવન છે."

તમને જણાવી દઇએ કે, હીરાબાના અંતિમ સંસ્કાર આજે ગાંધીનગરમાં કરાશે. તેઓની અંતિમ યાત્રા પુત્ર પંકજ મોદીના રાયસણ સ્થિત ઘરેથી 8.30 વાગ્યા આસપાસ પીએમ મોદી આવી પહોંચ્યા બાદ શરૂ થશે અને સેક્ટર-30ના સ્મશાન ખાતે પહોંચશે. આ દુઃખદ ઘટનાની જાણકારી ખુદ વડાપ્રધાન મોદીએ ટ્વિટ કરીને આપી હતી.