રાષ્ટ્રપ્રથમ / 1989માં પણ કર્તવ્યની આવી જ અગ્નિપરીક્ષા આપી ચૂક્યા છે PM મોદી; એક તરફ અર્થીનો ભાર,બીજી તરફ દેશનો

• PM મોદીના માતાના નિધન પર અનેક લોકો દુ:ખી 
• વર્ષ 1989માં PMના પિતાના નિધન વખતનો ઉલ્લેખ ફરી થયો 
• તે સમયે પણ PM મોદીએ પુત્ર ધર્મ બાદ તરત જ કર્તવ્ય પથ અપનાવ્યો હતો 

PM મોદીના માતાના નિધન બાદ તેઓ તાત્કાલિક દેશના કામમાં લાગી ગયા હતા, તેમણે ગાંધીનગર રાજભવનથી જ અનેક કામોમાં ભાગ લીધો છે ત્યારે ઘણા લોકોને સરદાર પટેલનો પ્રસંગ પણ યાદ આવી ગયો. હીરાબાના નિધન બાદ તેમના અને PM મોદીના અનેક સંસ્મરણો અને વીડિયો પણ સોશ્યલ મીડિયામાં વાયરલ થઈ રહ્યા છે. જોકે PM મોદીના પુત્ર ધર્મ બાદ કર્તવ્ય પથ પરના તપને લઈને ચર્ચા થઈ રહી છે પણ PM મોદીએ વર્ષ 1989માં પણ પિતાના નિધન સમયે આવું જ કર્યું હતું. 

સ્મશાનથી પરત આવ્યા બાદ તરત કામે લાગ્યા PM મોદી 
હીરાબાનું સંઘર્ષ બાળપણથી જ સંઘર્ષમય રહ્યું, બાળકોને મોટા કરવા માટે તેમણે જે રીતે કપરી સ્થિતિમાં કામ કર્યા તે પણ PM મોદી અનેક વાર ઉલ્લેખ કરી ચૂક્યા છે. પીએમ મોદીએ જણાવ્યું કે હીરાબાએ જે છેલ્લો ગુરુમંત્ર આપ્યો હતો કે કામ કરો બુદ્ધિ અને જીવન જીવો શુદ્ધિથી. ગઇકાલે માતાની અંત્યેષ્ટિમાં PM મોદી ખૂબ શોકમાં ડૂબેલા દેખાયા અને સ્મશાનમાં ગુમસુમ ઊભા જાણે યાદોને યાદ કરી રહ્યા હોય તેવું જણાઈ રહ્યું હતું પણ તેના કલાક બે કલાકની અંદર જ PM મોદી કામ પર પરત ફર્યા. 

એક તરફ પુત્રધર્મ, બીજી તરફ દેશની જવાબદારી 
PM મોદી જાણે છે કે જે ખભા પર માતાની અર્થી ઊંચકી એ જ ખભા પર દેશના લોકોની જવાબદારી પણ છે. PM મોદીએ રાજભવનથી જ બંગાળના કામોનું ઉદ્ઘાટન કર્યું અને તે બાદ બેઠકો પણ કરી. જોકે પ્રધાનમંત્રીએ 1989માં પણ આવું જ કઈક કર્યું હતું. 

કર્તવ્યએ PM મોદીની પરીક્ષા 1989માં પણ કરી હતી 
ભારતીય જનતા પાર્ટીના PM મોદીના જૂના સાથી દિલીપ ત્રિવેદીએ એક વીડિયોમાં જણાવ્યું હતું કે 1989માં એક બેઠક હતી જેમાં જાણવા મળ્યું કે નરેન્દ્ર મોદીના પિતાનું નિધન થયું છે, પણ બપોરના સમયે તેઓ બેઠકમાં આવી ગયા. તેમણે કહ્યું કે અંત્યેષ્ટિનો કાર્યક્રમ થઈ ગયો, આ બેઠક અગત્યની એટલે હું આવી ગયો કારણ કે આપણે તો આગળ કામ કરવાનું છે.