પાલનપુરમાં આયોજિત મહાસંમેલનમાં વિશ્વ ઉમિયા ધામના પ્રમુખ આર.પી.પટેલે જણાવ્યું કે જે પાર્ટી સનાતન ધર્મ સાથે હશે તેની સાથે પાટીદાર સમાજ હશે.
Share
Palanpur News: લોકસભા ચૂંટણીને લઇને રાજ્યમાં વિવિધ સમાજો તેમની રાજકીય અને સામાજિક માગણીઓ પક્ષ સમક્ષ મુકી રહ્યા છે. તેવામાં લોકસભા ચૂંટણીને લઇને પાટીદાર સમાજ કઇ પાર્ટી સાથે છે તેને લઇને મોટું નિવેદન સામે આવ્યું છે. વિશ્વ ઉમિયા ધામના પ્રમુખ આર.પી.પટેલે જણાવ્યું કે જે પાર્ટી સનાતન ધર્મ સાથે હશે તેની સાથે પાટીદાર સમાજ હશે. પાલનપુરમાં આયોજિત મહાસંમેલનમાં આર.પી. પટેલે આ નિવેદન આપ્યું છે.
પાલનપુરમાં પાટીદારોને મહાસંમેલન
લોકસભા ચૂંટણી પહેલા જ પાલનપુરમાં પાટીદારોનું મહાસંમેલન યોજાયું છે. 31 ગામ કડવા પાટીદાર સમાજ વાડીમાં મહાસંમેલનનું આયોજન કરાયું હતું. આ પાટીદાર મહાસંમેલનમાં મંત્રી ઋષિકેશ પટેલ જોડાયા હતા. આધ્યાત્મિક ચેતનાથી રાષ્ટ્ર ચેતના અભિયાનને લઈ પાટીદારોનું સંમેલન યોજવામાં આવ્યુ છે. જેમાં મોટીસંખ્યામાં કડવા પાટીદારો ઉમટ્યા હતા. વિશ્વ ઉમિયા ફાઉન્ડેશનના પ્રમુખ આર.પી પટેલની સાથે પાટીદાર આગેવાનો જોડાયા હતા. પાલનપુરમાં લોકસભા ચૂંટણી પહેલા પાટીદારોનું મહાસંમેલન યોજવામાં આવ્યુ છે. આ સંમેલનમાં રાજ્યના કદાવર મંત્રીની ખાસ ઊપસ્થિતી જોવા મળી છે. આ સાથે સમાજના જાણીતા અગ્રણીઓ પણ ઉપસ્થીત રહ્યા હતા. પાટીદારો દ્વારા બનાસકાંઠામાં સંમેલન યોજીને પાટીદાર એકતા બતાવી છે. આ સંમેલનમાં મોટીસંખ્યામાં બહેનો ખાસ ઉપસ્થીત જોવા મળી હતી.
પાલનપુરમાં મીડિયા સાથે વાતચીત કરતા વિશ્વ ઉમિયા ધામના પ્રમુખ આર.પી.પટેલે લોકસભા ચૂંટણીમાં પાટીદાર સમાજ કોની પડખે રહેશે તેને લઇને ખુલાસો કર્યો છે. ચૂંટણીને લઇને આર.પી.પટેલે કહ્યુ છે કે જે પાર્ટી સનાતન ધર્મ સાથે રહેશે તેની સાથે પાટીદાર રહેશે. સનાતન ધર્મની સાથે રહેનારી પાર્ટીની સાથે પાટીદાર સમાજ....સનાતનને અપશબ્દો બોલનારને જડબાતોડ જવાબ આપીશું. નોધનીય છે કે, પાટીદાર સમાજના અગ્રણી દ્વારા અપાયેલા નિવેદન બાદ રાજકીય ગરમાવો જોવા મળી રહ્યો છે. રાજકિય પાર્ટીઓ દ્વારા પણ હવે વોટબેંક પર પકડ જમાવવા માટે હિન્દુત્વનો મુદ્દો મહત્વનો બની રહેશે. હિન્દુ મતદારો પણ હવે સનાતન ધર્મ સાથે રહેનાર પાર્ટીઓની સાથે રહેવાનું ખુલીને કહી રહ્યા છે ત્યારે આગામી દિવસોમાં ચૂંટણીના માહોલમાં કેવા સમીકરણો જોવા મળે છે તેના પર નજર રહેશે.
