ક્રિકેટ / ભારત સામે મેચ પહેલા પાકિસ્તાનની ટીમને લાગ્યો મોટો ઝટકો, Asia Cupમાં નહીં રમે આ સ્ટાર ખેલાડી

• પાકિસ્તાની ક્રિકેટર શાહીન આફ્રીદી થયા ઈજાગ્રસ્ત
• એશિયા કપ ટૂર્નામેન્ટ હેઠળ ભારત સામેની મેચમાં નહીં જોવા મળે શાહીન આફ્રીદી 
• 28 ઓગસ્ટનાં રોજ ભારત સામે ટકરાશે પાકિસ્તાન 

પાકિસ્તાની ક્રિકેટર શાહીન આફ્રીદી થયા ઈજાગ્રસ્ત

એશિયા કપ 2022 શરુ થયાનાં એક અઠવાડીયા પહેલા જ પાકિસ્તાન ક્રિકેટ ટીમને મોટો ઝટકો લાગ્યો છે. ટીમનાં સ્ટાર ફાસ્ટ બોલર શાહીન શાહ આફ્રીદી ઈજાને કારણે ટૂર્નામેન્ટથી બહાર થઇ ગયા છે. પાકિસ્તાન ક્રિકેટ બોર્ડે શનિવાર એટલે કે 20 ઓગસ્ટનાં રોજ એક અપડેટ જાહેર કરી શાહીનની ઈજા પર આ અપડેટ આપી. પાકિસ્તાની બોર્ડે જણાવ્યું કે આફ્રીદીને તેમના ગોઠણની ઈજાને કારણે એક મહિનાથી વધારે સમય માટે આરામ કરવાની સલાહ આપવામાં આવી છે. પાકિસ્તાને એશિયા કપમાં પોતાની પહેલી મેચમાં 28 ઓગસ્ટના રોજ ભારતનો સામનો કરવો પડશે. 

કેવી રીતે થયા ઈજાગ્રસ્ત 
લેફ્ટ હેન્ડ સ્ટાર યુવા બોલર શાહીન આફ્રીદીને ગયા મહીને શ્રીલંકા સામે ટેસ્ટ સીરીઝની પહેલી મેચમાં ગોઠણ પર ઈજા થઇ હતી, જેને કારણે તેઓ બીજી ટેસ્ટમાં પણ રમી શક્યા ન હતા. 

Shaheen Shah Afridi injury update

Details here ⤵️ https://t.co/bDf5zvwLtl

— PCB Media (@TheRealPCBMedia) August 20, 2022

ક્યારે છે ભારત અને પાકિસ્તાન વચ્ચે મુકાબલો 

ભારત અને પાકિસ્તાન વચ્ચે 28 ઓગસ્ટનાં રોજ એશિયા કપ 2022નો મુકાબલો થશે. આ ટૂર્નામેન્ટ પહેલા બંને ટીમો અલગ અલગ દેશોમાં વન ડે સીરીઝમાં વ્યસ્ત છે. ભારતીય ટીમ ઝીમ્બાબ્વે સામે ODI સીરીઝ રમી રહી છે, જ્યારે બાબર આઝમની કેપ્ટનશીપવાળી પાકિસ્તાનની ટીમ નેધરલેંડનાં પ્રવાસે છે. એશિયાની આ બંને શક્તિશાળી ટીમોએ પોતાના હરીફો સામે જીત નોંધાવી છે.