વિરોધ / રામોલ-હાથીજણ વોર્ડમાં રમીઝ શેખ ટીકિટ આપતાં વિવાદ,કાર્યકરોએ ઉમેદવાર બદલવાની કરી માગ

અમદાવાદમાં કોંગ્રેસની પહેલી યાદી જાહેર થતા જ વિવાદ સર્જાયો છે. જેમાં રામોલ-હાથીજણ વોર્ડમાં રમીઝ શેખના નામને લઈ વિવાદ સર્જાયો છે. સ્થાનિક કોંગ્રેસ કાર્યકરોએ ઉમેદવાર બદલવાની માંગ કરી છે.

ઉમેદવાર બદલવા શહેર કોંગ્રેસ પ્રમુખને પત્ર લખ્યો

તેમજ કોંગ્રેસ કાર્યકર્તાઓએ ઉમેદવાર બદલવા શહેર કોંગ્રેસ પ્રમુખને પત્ર લખ્યો છે. કાર્યકરોએ સર્વસંમતિથી 4 સભ્યોના પેનલની ભલામણ કરી છે. તેમજ રમીઝના બદલે અન્ય ઉમેદવાર બનાવવાની કોંગ્રેસ કાર્યકર્તાઓની માંગ છે. રમીઝ શેખ ભાજપનો કાર્યકર્તા હોવાનો દાવો કર્યો છે. કોંગ્રેસમાં જોડાયા પહેલા જ પાર્ટીએ ટિકિટ આપી દીધી હોવાનો દાવો કર્યો છે.

અમદાવાદ શહેર કોંગ્રેસ પ્રમુખે શું કહ્યું.

કોંગ્રેસ કાર્યકર્તાએ કરેલા વિવાદ પર અમદાવાદ શહેર કોંગ્રેસ પ્રમુખ સોનલ પટેલે જણાવ્યું હતું કે, રમીઝ છેલ્લા ઘણા સમયથી NSUI- યુથ કોંગ્રેસ સાથે જોડાયેલો છે. તેમજ વોર્ડમાં કાર્યકરો સાથે વાતચીત કરીને યોગ્ય સમાધાન લાવીશું તેમજ જણાવ્યું હતું.

ગુજરાતમાં આવનારી સ્થાનિક સ્વરાજ્યની ચૂંટણીઓ માટે કોંગ્રેસ પક્ષે પોતાની પહેલી ઉમેદવાર યાદી જાહેર કરી છે. આ યાદીમાં કુલ 243 ઉમેદવારોના નામોની જાહેરાત કરવામાં આવી છે, જે રાજ્યના વિવિધ મહાનગરપાલિકાઓ માટેના ઉમેદવારોને આવરી લે છે.

એક ક્લીકમાં વાંચો કોંગ્રેસના ઉમેદવારોનું લીસ્ટો

અમદાવાદ મહાનગર પાલિકામાં કોંગ્રેસે કુલ 92 ઉમેદવારો મેદાનમાં ઉતાર્યા

આ યાદીમાં ખાસ કરીને અમદાવાદ, રાજકોટ, ભાવનગર અને જામનગર મહાનગરપાલિકાઓ માટેના ઉમેદવારોના નામો જાહેર કરવામાં આવ્યા છે. અમદાવાદ મહાનગરપાલિકા માટે કોંગ્રેસે કુલ 92 ઉમેદવારોને મેદાનમાં ઉતાર્યા છે, જે શહેરના વિવિધ વોર્ડોમાંથી ચૂંટણી લડશે.

કોને કોને રીપીટ કરાયા

પાર્ટીએ કેટલાક વર્તમાન કોર્પોરેટરો પર ફરી વિશ્વાસ મૂક્યો છે. દાણીલીમડા વોર્ડમાંથી શેહઝાદ ખાન પઠાણને ફરી તક આપવામાં આવી છે, જ્યારે અમરાઈવાડી વોર્ડમાં જગદીશ રાઠોડને રિપીટ કરવામાં આવ્યા છે. દરિયાપુર વોર્ડમાંથી નીરવ બક્ષીને પણ ફરી ઉમેદવાર બનાવવામાં આવ્યા છે.

આ પણ વાંચોઃ અમદાવાદમાં ઢોસા ખાધા બાદ 2 બાળકીના મોત,માતાપિતાની હાલત ગંભીર, તપાસનો ધમધમાટ

કોંગ્રેસની આ યાદી સાથે ચૂંટણીનો માહોલ વધુ ગરમાયો છે. આગામી દિવસોમાં અન્ય પક્ષો પણ પોતાની ઉમેદવાર યાદી જાહેર કરશે. જેના કારણે રાજકીય હરીફાઈ વધુ તેજ બનવાની સંભાવના છે.ચૂંટણીના પરિણામો પર રાજ્યની રાજકીય દિશા પર અસર પડશે, તેથી તમામ પક્ષો દ્વારા જોરશોરથી તૈયારીઓ કરવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ