હેલ્થ ટીપ્સ / મેદસ્વિતાથી પરેશાન છે દુનિયાના એક અબજ લોકો: ફેટ ઓછું કરવા માટે અપનાવો WHOના આ ઉપાયો

તમે મોટાપાથી પરેસાન છો, સ્થૂળતા દૂર કરવા અનેક ઉપાયો કર્યા પણ કોઈ ફરક નથી પડ્યો.  તો WHO દ્નારા આપવામાં આવેલા ખાસ  સૂચનો તમને અપનાવશો તો, ચોક્કસથી પેટની ચરબી ગાયબ થશે !

મેડિકલ જર્નલ લેન્સેટમાં પ્રકાશિત અહેવાલ મુજબ વિશ્વભરમાં એક અબજ લોકો સ્થૂળતાથી પીડિત છે. તેમાં 88 કરોડ લોકો પુખ્ત વયના છે. જ્યારે 15 કરોડ 90 લાખ બાળકો અને કિશોરો  છે. WHOના મત મુજબ  વિશ્વમાં પુખ્ત લોકોમાં સ્થૂળતાનું પ્રમાણ ઝડપથી વધી રહ્યું છે. અને કિશોરોની સ્થૂળતા ચાર ગણી ઝડપથી વધી રહી  છે. 

વધુ વાંચવા જેવું: શું વધારે પડતી ખાંડ ખાવાથી વધે છે 'ડાયાબિટીસ'નું પ્રમાણ? ભૂલથી પણ ન કરતા આ 5 વાતો પર વિશ્વાસ 

સ્થૂળતાની સમસ્યા સતત વધી રહી છે!

WHO ના મતે વર્ષ 2022માં 18 અને તેથી વધુ વયના 43% પુખ્ત લોકોનું વજન વધારે હતું અને 16% સ્થૂળતા સાથે જીવતા હતા. જ્યારે 5 વર્ષથી ઓછી ઉંમરના 37 લાખ  બાળકો વધુ વજન ધરાવતા હતા અને 390 મિલિયનથી વધુ બાળકો અને 5-19 વર્ષની વયના કિશોરો વધુ વજન ધરાવતા હતા, જેમાં 160 મિલિયન જેઓ સ્થૂળતા સાથે જીવતા હતા. એક વાક્યમાં, વર્ષ 2022થી વિશ્વમાં 8 માંથી 1 વ્યક્તિ સ્થૂળતા સાથે જીવી રહ્યો હતો.

શું આ ક્રોનિક રોગો માટે ચેતવણી છે?

સંશોધન એ પણ સૂચવે છે કે સ્થૂળતા અને ઓછું વજન બંને કુપોષણના સ્વરૂપો છે. આ સ્વાસ્થ્ય માટે ઘણી રીતે હાનિકારક છે. વધુ પડતું વજન એ ઘણા પ્રકારના ક્રોનિક રોગોમાં મુખ્ય પરિબળ તરીકે મનાય છે. નિષ્ણાતો માને છે કે જે લોકોનું વજન વધારે છે તેમને ડાયાબિટીસ, હાર્ટ એટેકની  સમસ્યાઓનું જોખમ વધારે રહે છે. આવી સ્થિતિમાં સવાલ એ છે કે આ સમસ્યાનો ઉકેલ શું છે?

 WHO દ્વારા સૂચવવામાં આવેલા પગલાં 

જીવનશૈલીમાં ફેરફાર: તંદુરસ્ત આહાર, શારીરિક પ્રવૃત્તિ, નિયમિત કસરત અને સારી ઊંઘ લેવી જરૂરી છે. તમાકુ અને દારૂથી દૂર રહેવાની વાત કહી છે. 
વિશેષ આહાર વિચારણા: વધુ પડતી ફેટ વાળા ખોરાક ન આવો, ફળો અને શાકભાજી તેમજ કઠોળ, આખા અનાજનો વપરાશ વધારવો.
મહિલાઓ માટે ખાસ સલાહ: ગર્ભાવસ્થા દરમિયાન યોગ્ય વજન રહે તેની કાળજી લેવી, ઉપરાંત, બાળકના જન્મ પછી, તેને ફક્ત પ્રથમ 6 મહિના સુધી જ સ્તનપાન કરાવો.

• જો તમે તમારું વજન નિયંત્રણમાં રાખવા માંગો છો તો આ વસ્તુઓ ખાવાનું બંધ કરો
• શક્કરિયાઃ લગભગ 86 કેલરી સિવાય 100 ગ્રામ શક્કરિયામાં સ્ટાર્ચ અને કાર્બોહાઇડ્રેટ્સ હોય છે. તેનું વધુ પડતું સેવન વ્યક્તિને સ્થૂળ બનાવી શકે છે.
• સ્વીટ કોર્ન: સ્વીટ કોર્નમાં પુષ્કળ પ્રમાણમાં સ્ટાર્ચ હોય છે. આવી સ્થિતિમાં, જો તમે તેનું વધુ પ્રમાણમાં સેવન કરો છો, તો તે ચોક્કસ વેઈટ ગેન થશે.
• ખાંડ: સ્થૂળતાનું મુખ્ય અને પ્રમુખ કારણ છે. સફેદ ખાંડ વજન ખૂબ જ ઝડપથી વધારે છે. ખાંડના બદલે, તમે નેચરલ સુગર મળે તેવા ફળોનું સેવન કરી શકો છો.
• તળેલો અને મરી મસાલા વાળો ભારે  ખોરાક ટાળો, કારણે કે તેમાં  સેચ્યુરેટ ફેટથી સ્થૂળતામાં ઝડપથી વધારો થાય છે. મેંદો અને બેકરી આઈટમ ટાળવી.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો