તમારા કામનું / હવે બીમાર પડવા પર PF એકાઉન્ટમાંથી ઉપાડી શકાશે રૂ. 1 લાખ, બસ આ રીતે કરો એપ્લાય

કર્મચારી ભવિષ્ય નિધિ સંગઠને એક મહત્વનો નિર્ણય લીધો છે. EPFOના સભ્ય હવે બીમાર પડવા પર ઈલાજ માટે પોતાના PF ખાતામાંથી વધારે પૈસા નિકાળી શકશે. બીમાર પડવા પર પૈસા નિકાળવાની લિમિટ 50 હજારથી વધારી 1 લાખ કરી દેવામાં આવી છે. EPFOના સભ્ય હવે ફોર્મ 31ની પેરા. 68 હેઠળ આ લિમિટ વધારી છે. 16મી એપ્રિલે એક સર્કૂલર જાહેર કરી EPFOએ જાણકારી આપી હતી.

EPFOનો સભ્ય કે તેના પર આશ્રિત વ્યક્તિ એક મહિના કે તેથી વધુ સમયથી હોસ્પિટલમાં દાખલ હોય તેવી સ્થિતિમાં અરજી કરી પૈસા ઉપાડી શકાય છે. જેમાં મોટી સર્જરી, પેરાલિસિસ, કેન્સર,હ્રદયની કે માનસિક બીમારી જેવા કારણોસર એડવાન્સમાં પૈસા ઉપાડી શકાય છે. આ માટે દર્દીનુ સરકારી કે તેના સંબંધિત હોસ્પિટલમાં દાખલ થયેલુ હોવું જરુરી છે. જો પેશન્ટ પ્રાઈવેટમાં દાખલ હોય તો તપાસ બાદ જ ક્લેમ લઈ શકશો.

ફોર્મ 31ના 68જે હેઠળ પ્રોફાર્મા, કોઈ બીજા મેડિકલ પ્રમાણપત્ર આપવાની જરુર નથી. જો તમે વર્કિંગ દિવસમાં એડવાન્સ માટે અરજી કરો છો તો બીજા દિવસે પૈસા એકાઉન્ટમાં આવી જશે. તમે હોસ્પિટલના ખાતામાં પણ આ પૈસા સીધા ટ્રાન્સફર કરાવી શકો છો. પેશન્ટને હોસ્પિટલમાંથી રજા આપ્યાના 45 દિવસમાં ઈલાજની રસીદ જમાં કરાવાની રહેશે. 

આવી રીતે કરો ઓનલાઈન અરજી
 www.epfindia.gov.in પર જઈને લોગિન કરવું
સર્વિસિઝ પર જઈને 31,10C, 10D, 19 ફોર્મ ભરો
 ત્યાર બાદ તમારા એકાઉન્ટના છેલ્લા 4 આંકડા ભરી વેરિફાઈ કરો
ત્યાર બાદ પ્રોસિડ બાય ઓનલાઈન ક્લેમ પર ક્લિક કરવું
 PFનું ફોર્મ 31 એડવાન્સ ફોર્મ ભરવું
એકાઉન્ટની વિગત ભરી, ચેક કે બેંક પાસબુકની ફોટો કોપી અપલોડ કરો
એડ્રેસની વિગત ભરી, Get Adhar OTP પર ક્લિક કરવું
આવેલા OTPને ફોર્મમાં ભરી દો, તમારા ક્લેમની પ્રોસેસ પૂરી થઈ જશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો