અમદાવાદ / હાઇપ્રોફાઇલ વૃષ્ટિ- શિવમ કેસમાં નવો વળાંક પરિવારે કહ્યું આ ઇ- મેઈલ વૃષ્ટિએ નથી કર્યો

• શું વૃષ્ટિ- શિવમ કેસમાં કોઇ મોટું ષડયંત્ર છે?
• ઇ-મેઇલ વૃષ્ટિએ નથી કર્યો તો કોણે કર્યો છે
• સીસીટીવી બાદ પરિવારે ઇ- મેઇલ વૃષ્ટિએ નહી કર્યો હોવાનું જણાવ્યું

પરિવારે કહ્યું વૃષ્ટિએ ઇ- મેઈલ નથી કર્યો 

વૃષ્ટિ- શિવમ કેસમાં રોજ એક નવો વણાંક આવે  છે. પોલીસે આ પહેલા પણ વૃષ્ટિ - શિવમ રેલ્વે સ્ટેશનના પ્લેટફોર્મ પર સીસીટીવીમાં કેદ થયાં હોવાનો દાવો કર્યો હતો. ત્યારે પણ વૃષ્ટિ અને શિવમનાં પરિવારજનોએ સીસીટીવીમાં દેખાતાં લોકો વૃષ્ટિ- શિવમ નથી. એ બાદ હવે પોલીસે વૃષ્ટિએ ઇ-મેઇલ કર્યાની વાત કરતા પરિવારે આ દાવાને પણ નકાર્યો છે. તેમજ પરિવારે કહ્યું હતું કે આ વૃષ્ટિનો ઇ-મેઇલ આઇડી નથી. એટલે આ ઇ-મેઇલ વૃષ્ટિએ નથી કર્યો. 

શું છે ઇ મેઇલ મામલો?

 ગુમ થયાનાં 7 દિવસ બાદ વૃષ્ટિનાં નામનો એક ઈ-મેઈલ વૃષ્ટિનાં માતાને મળે છે. જેમાં વૃષ્ટિએ પોતાની મરજીથી ઘર છોડાયાનું તથા તે ખૂશ હોવાનો દાવો કર્યો છે. તેમજ તેણે પોતાને જોબ મળી જવાની પણ વાત કરી છે. પોલીસને ત્યારે આશા જાગી હતી કે હવે વૃષ્ટિના ઇ- મેઇલથી વૃષ્ટિ સુધી પહોંચી શકાશે. 

કોઇ પોલીસ કે પરિવારને ગેરમાર્ગે દોરી રહ્યું છે?

પરિવારે આ ઈ- મેઈલ વૃષ્ટિએ નહી કર્યાની વાત કરતાં પોલીસની મુંજવણમાં વધારો થયો છે. હવે પોલીસ આ ઈ- મેઈલ ક્યાંથી આવ્યો છે અને કોણે કર્યો છે. તેની તપાસ કરી રહી છે. તેની સાથે સાથે પોલીસ માટે આ ક્લૂ પણ બની શકે છે. ત્યારે સવાલ એ છે કે આ ઈ - મેઈલ વૃષ્ટિએ નથી કર્યો તો કોણે કર્યો છે. શું કોઇ પોલીસ અને પરિવારને ગુમરાહ કરવા માંગે છે? કે પછી પોલીસની તપાસને ગેરમાર્ગે દોરવા માંગે છે? ત્યારે સવાલ એ પણ ઉભો થાય છે કે પોલીસને ગેરમાર્ગે દોરવાથી જે તે વ્યક્તિને શું ફાયદો છે? શું ઈ- મેઈલ કરનાર વૃષ્ટિ- શિવમ કેસ સાથે સીધી કે આડકરતી રીતે જોડાયલ વ્યક્તિ છે.