સ્વાસ્થ્ય ટિપ્સ / જમ્યા બાદ ભૂલથી પણ ન કરતા આ 3 કાર્યો, નહીં તો શરીર બની જશે બીમારીઓનું ઘર

• સ્વસ્થ આદતો વિકસાવવી જરૂરી
• ભોજન કર્યા પછી આ બિલ્કુલ ના કરવું
• નહીંતર આરોગ્યને નુકસાન થઈ શકે છે

નિરોગી અને તંદુરસ્ત રહેવા માટે માત્ર ભોજન કરવું જરૂરી નથી. જો તમે સ્વસ્થ રહેવા માંગો છો તો કેટલીક સ્વસ્થ આદતો વિકસાવવી પણ જરૂરી છે. અનેક લોકો ભોજન કર્યા પછી કામ કરે છે. આ પ્રકારે બિલ્કુલ ના કરવું જોઈએ, જેના કારણે શારીરિક સમસ્યાનો સામનો કરવો પડી શકે છે. કોઈ કામ યોગ્ય સમયે કરવામાં આવે તો તેનાથી અનેક ફાયદા થઈ શકે છે અને ખોટા સમયે કરવામાં આવે તો નુકસાન પણ થઈ શકે છે. અહીંયા અમે તમને એવા ત્રણ કામ વિશે જણાવી રહ્યા છીએ, જે જમ્યા પછી બિલ્કુલ ના કરવા જોઈએ. 

ભોજન કર્યા પછી આ કામ બિલકુલ ના કરશો

• ભોજન કર્યા પછી પાણી પીવાની ભૂલ બિલ્કુલ ના કરવી જોઈએ અને ફ્રિજનું પાણી બિલ્કુલ પણ ના પીવું જોઈએ. ભોજન કર્યા પછી પાણી પીવાની ટેવ હોય તો બે ઘુંટડા જ પાણી પીવું જોઈએ. ભોજન કર્યા પછી વધુ પાણી પીવાથી પાચન તંત્ર પર ખરાબ અસર પડી શકે છે. 
• ભોજન કર્યા પછી કસરત બિલ્કુલ પણ ના કરવી જોઈએ. ભોજન કર્યા પછી ચાલવા જઈ શકો છો, પરંતુ ભારે કસરત ના કરવી જોઈએ. જેના કારણે પાચન ક્રિયા પર અસર થાય છે અને પેટમાં દુખાવો પણ થઈ શકે છે. 
• અનેક લોકો ભોજન કર્યા પછી સૂઈ જાય છે, આ પ્રકારે બિલ્કુલ ના કરવું જોઈએ. ભોજન કર્યા પછી તરત સૂઈ જવાથી પાચનક્રિયા પર અસર થાય છે, ઉપરાંત લાંબા ગાળાની બિમારીઓની ચપેટમાં પણ આવી શકો છો. તમે બિમારીઓ સામે બચી રહેવા માંગો છો તો ભોજન કર્યાના 2-3 કલાક પછી સૂવું જોઈએ. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)