અમદાવાદ / પાડોશમાં રહેતી સગીરાને બનાવી હવસનો શિકાર, ઘરમાં ઘૂસીને આરોપીએ આચર્યું દુષ્કર્મ

• 14 વર્ષીય સગીરા સાથે આચર્યું દુષ્કર્મ 
• એકલતાનો લાઊ ઉઠાવી સગીરાને બનાવી હવસનો શિકાર 
• ગણતરીના સમયમાં પોલીસે કરી આરોપીની ધરપકડ 

અમદાવાદમાં દિવસને દિવસે હવે દુષ્કર્મના બનાવો વધતા જઈ રહ્યા છે. ત્યારે વધુંમાં ફરી એક વખત શહેરના મેઘાણીનગર વિસ્તારમાં એક દુષ્કર્મનો બનાવ સામે આવ્યો છે. જેના કારણે ચકચાર મચી જવા પામી છે, અહીયા 14 વર્ષની સગીરા દુષ્કર્મનો ભોગ બની છે. જેથી તેના પરિવારજનોએ સમગ્ર મામલે પોલીસમાં ફરિયાદ નોંધાવી છે.

ઘરમાં ઘુસીને બનાવી હવસનો શિકાર 

દુષ્કર્મ આચરનાર આરોપી પીડિત સગીરાની પાડોશમાંજ રહેતો હતો. બનાવના દિવસે સગીરા ઘરમાં એકલી હતી. ત્યારે આરોપી તેની એકલતાનો લાભ લઈને તેના ઘરમાં ઘુસી ગયો. જ્યા તેણે તેની સાથે બળજબરી કરીને શારિરીક સંબંધો બાધ્યા હતા. 

હિંમત કરીને પરિવારને કરી જાણ 

ઘટનાને લઈને સગીરા ઘણી ગભરાઈ ગઈ હતી. તેના પરિવારમાં તેના માતાના મૃત્યું બાદ સગીરા તેના પિતા અને બે ભાઈઓ સાથે રહેતી હતી. જેથી તેમને આ વીશે કહેતા ખચકાતી હતી. પરંતુ તેણે હિંમત કરીને સમગ્ર મામલે તેના પરિવારને જાણ કરી. પરિવારને જ્યારે આ મામલે જાણ થઈ ત્યારે તેમણે તુંરંત આ મામલે પોલીસમાં ફરિયાદ નોંધાવી હતી. 

ગણતરીના સમયમાં આરોપી જેલભેગો 

પોલીસને જ્યારે આ મામલે જાણ થઈ ત્યારે તેમણે પણ ઘટનાની ગંભીરતાને ધ્યાનમાં રાખીને આરોપીને ગણતરીના સમયમાં ઝડપી પાડ્યો છે, અને હાલ તે હવસખોરને તેની કરતૂતને કારણે જેલના સળીયા ગણવાનો વારો આવ્યો છે. 

ચાંદખેડા વિસ્તારમાં સગીરા સાથે સામૂહિક દુષ્કર્મનો બનાવ 

ઉલ્લેખનીય છે કે અમદાવાદ શહેરના ચાંદખેડા વિસ્તારમાં પણ સગીરા સાથે દુષ્કર્મનો બનાવ સામે આવ્યો છે. જે કેસમાં સગીરાનાજ 3 મિત્રો તેને હોટલમાં લઈ ગયા હતા. જ્યા તેમણે તેની સાથે સામુહીક દુષ્કર્મ આચર્યું હતું. જેથી આ મામલે પણ પોલીસે ત્રણેય આરોપીઓને ઝડપી પાડ્યા છે. પરંતુ મહત્વનું છે કે શહેરમાં એકજ દિવસમાં 2 દુષ્કર્મના બનાવો સામે આવ્યા છે. અને છેલ્લા ઘણા સમયથી દુષ્કર્મના બનાવો વધી પણ રહ્યા છે. જે સભ્ય સમાજ માટે એક ચિંતાનો વિષય બન્યો છે.