મનોરંજન / રામની તસવીર લઇને પ્રચારે નીકળેલા અરુણ ગોવિલ પર ભડકી લોકગાયિકા, લોકોએ કરી ટ્રોલ, કહ્યું 'શૂર્પણખા'

ભારતીય જનતા પાર્ટીએ ટીવીના રામ તરીકે જાણીતા અરુણ ગોવિલને લોકસભા ચૂંટણીમાં પોતાના ઉમેદવાર બનાવ્યા છે. અરુણ ગોવિલ મેરઠથી ચૂંટણી લડવાના છે અને જોરશોર સાથે પ્રચાર કરવા લાગ્યા છે. રેલીઓમાં તેઓ હાથમાં ભગવાન રામની તસવીર પકડેલા જોવા મળ્યા, જેના કારણે કેટલાક લોકો ખૂબ નારાજ છે. 'યુપી મેં કા બા' ગીતની લોક ગાયિકા નેહા સિંહ રાઠોડે આની નિંદા કરી છે.

धर्म के नाम पर वोट माँगना आदर्श आचार संहिता का उल्लंघन है.

मर्यादाओं को लांघकर मर्यादा पुरुषोत्तम के नाम पर वोट माँगा जा रहा है.@ECISVEEP #LokSabhaElections2024 #NehaSinghRathore pic.twitter.com/xaMTY1T92v

— Neha Singh Rathore (@nehafolksinger) April 9, 2024

તેણે સોશિયલ મીડિયા પ્લેટફોર્મ X પર અરુણ ગોવિલની એક તસવીર શેર કરી છે, જેમાં તે પ્રચાર દરમિયાન હાથમાં ભગવાન રામની તસવીર સાથે ઉભેલા જોવા મળે છે. નેહાએ તસવીર શેર કરીને લખ્યું, "ધર્મના નામે વોટ માંગવા એ આદર્શ આચાર સંહિતાનું ઉલ્લંઘન છે. મર્યાદાઓને પાર કરીને મર્યાદા પુરુષોત્તમના નામે વોટ માંગવામાં આવી રહ્યા છે." નેહાના આ ટ્વીટ પર હંમેશાની જેમ લોકો ઘણી કોમેન્ટ કરી રહ્યા છે અને તેને ટ્રોલ કરી રહ્યા છે.

એક યુઝરે નેહાને કહી 'શૂર્પણખા'

નેહાને જવાબ આપતાં એક યુઝરે લખ્યું કે, કળિયુગના રાવણને ખતમ કરવા માટે રામે મર્યાદાઓ ઓળંગીને જવું જ પડશે. અન્ય એક યૂઝરે લખ્યું, લોકો આવીને તેમને આવી તસવીરો ગિફ્ટ કરી રહ્યા છે, તો શું લેવાની નાં પાડી દેવાની? જે પણ વાયરલ થાય છે, તે ઉઠાવીને કોપી અને પેસ્ટ કરો. ટિકિટ માટે કેટલી મહેનત? કળિયુગ ભીષ્મ નામના યુઝરે નેહાનાં ટ્વીટ પર તેને શૂર્પણખા કહી છે. આ યુઝરે કોમેન્ટ કરતાં લખ્યું છે, હે શૂર્પણખા, ક્યાં સુધી રામ સાથે દુશ્મની રાખશો? ભૂલી જાઓ હવે એ નાકવાળી વાત ને.

વધુ વાંચો: સારા-અનન્યા બાદ હવે કોને ડેટ કરી રહ્યાં છે કાર્તિક આર્યન? કહ્યું 'છેલ્લા 2 વર્ષથી હું...'

તમને જણાવી દઈએ કે નેહા સિંહ છેલ્લા ઘણા દિવસોથી સતત બીજેપી પર નિશાન સાધતા ટ્વીટ કરી રહી છે. તેમને ભોજપુરી કલાકારો બીજેપીના ઉમેદવાર હોય એ બિલકુલ પસંદ નથી આવી રહ્યું. તે પવન સિંહને ડબલ મીનિંગ ગીતોના વીડિયો શેર કરીને કટાક્ષ કરી રહી છે. જેના માટે એવું કહેવામાં આવી રહ્યું છે કે તે ટિકિટ ન મળવાથી નારાજ છે અને ઇચ્છે છે કે કોઈ પાર્ટી તેને ચૂંટણીમાં ઉભી રાખે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો