પોલિટિક્સ / બિહાર ચૂંટણી માટે NDAએ સીટ શેયરિંગનું કર્યું એલાન, ભાજપ-JDU એક ત્રાજવે તોલાયા, કોના ફાળે કેટલી?

બિહાર વિધાનસભા ચૂંટણી માટે NDAની સીટ-શેરિંગ ફોર્મ્યુલાને અંતિમ સ્વરૂપ આપવામાં આવ્યું છે. નવી દિલ્હીમાં લાંબી ચાલેલી બેઠક હવે એ નક્કી થઇ ગયુ છે કે ગઠબંધનમાં કયા પક્ષો કેટલી બેઠકો પર ચૂંટણી લડશે. ભાજપ 101 બેઠકો JDU 101 બેઠકો, ચિરાગ પાસવાનની LJP (R) 29 બેઠકો, ઉપેન્દ્ર કુશવાહાની RLM 6 બેઠકો અને જીતન રામ માંઝીની HAM 6 બેઠકો પર ચૂંટણી લડશે

NDAમાં બેઠકોની વહેંચણીની ગોઠવણથી સ્પષ્ટ થઈ ગયું છે કે આ વખતે નાના ભાઈ-મોટા ભાઈની ભૂમિકા સમાપ્ત થઈ ગઈ છે, કારણ કે ભાજપ અને જેડીયુ બંનેને સમાન સંખ્યામાં બેઠકો (દરેકને 101) ફાળવવામાં આવી છે. જોકે, બિહાર ભાજપના પ્રદેશ પ્રમુખ દિલીપ જયસ્વાલે પહેલાથી જ આ અંગે સંકેત આપી દીધા હતા. તેમણે પટણામાં એક બેઠક બાદ જણાવ્યું હતું કે આ ચૂંટણીમાં કોઈ પણ મોટા ભાઈ-નાના ભાઈની ભૂમિકા ભજવશે નહીં.

આ પણ વાંચોઃ છોકરીઓને રાત્રે બહાર ન મોકલવી જોઈએ..', દુર્ગાપુર ગેંગરેપ કેસમાં CM મમતાનું અજીબ નિવેદન

NDAમાં સીટ-શેરિંગ ફોર્મ્યુલાને અંતિમ સ્વરૂપ આપવામાં આવ્યા પછી, ચિરાગ પાસવાને સોશિયલ મીડિયા પ્લેટફોર્મ X પર એક પોસ્ટમાં કહ્યું કે અમે, NDA પરિવારે, બિહાર વિધાનસભા ચૂંટણી 2025 માટે સીટ-શેરિંગ ખૂબ જ સારા વાતાવરણમાં પૂર્ણ કર્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ