ધર્મ / આજથી નવરાત્રી શરૂ : ઘટસ્થાપના કરતાં સમયે ભૂલથી પણ ન કરવી જોઈએ ભૂલો, ખાસ જાણી લો 6 નિયમો

• આજથી નવરાત્રીની શુભ શરૂઆત
• ઘટસ્થાપના દરમિયાન કેટલીક ભૂલો ટાળવી
• માતાજીને પ્રસન્ન કરવા ઘટસ્થાપનામાં કાળજી રાખવી

આજે એટલે કે 15 નવેમ્બર 2023થી આસો નવરાત્રીની શુભ શરૂઆત થઈ ચૂકી છે. નવરાત્રીમાં માતાજીની ચોકીની પાસે કળશની સ્થાપના કરવાની હોય છે. ઘટસ્થાપના બાદ જ વ્રત રાખવામાં આવે છે. જો તમે પણ ઘટસ્થાપના કરવાનાં હોવ તો ઘટસ્થાપનામાં આ 6 ભૂલ કરશો નહીં.

1. શુભ મુહૂર્ત
ઘટસ્થાપના હંમેશા શુભ મુહૂર્તમાં કરવામાં આવે છે. કિચિત્રા નક્ષત્ર કે રાહુકાળમાં કળશ સ્થાપના ન કરવી જોઈએ. આ વખતે કળશ સ્થાપનાનો શુભ મુહૂર્ત સવારે 11:44 વાગ્યે શરૂ થશે જે બપોરે 12:30 વાગ્યે પૂર્ણ થશે.

2. દિશાનું મહત્વ
ઘટસ્થાપનમાં કળશને કોઈપણ સ્થાન પર ન રાખવું. માતાજીની ચોકીની પાસે ઉત્તર-પૂર્વ દિશામાં જ સ્થાપિત કરવું જોઈએ.

3. સ્વચ્છ પાણી
ઘટસ્થાપનમાં ગંદી માટી કે ગંદા પાણીનો ઉપયોગ ભૂલથી પણ ન કરવો. તાંબાનાં કળશમાં સ્વચ્છ પાણી ભરવું અને તેની ઉપર ચુંદડી અને નારિયેળ રાખવું.

4.  કળશનું સ્થાન ન બદલવું
ઘટસ્થાપના થયા બાદ તેનું 9 દિવસો સુધી સ્થાન ન બદલવું જોઈએ. કન્યા પૂજન બાદ જ કળશને પોતાની જગ્યાએથી હટાવી શકાય છે.

5. સાફ-સફાઈ
કળશની આસપાસ સાફ-સફાઈ સુનિશ્ચિત કરવી. કળશને કિચન, ટોયલેટ કે સ્ટોર રૂમ જેવી જગ્યાઓ પર ન રાખવું. ઘટસ્થાપના કર્યા બાદ ત્યાં સ્વચ્છતા રાખવી ઘણી જરૂરી હોય છે.

6.અપવિત્ર હાથોથી ન અડકવું
કળશની ગંદા કે અપવિત્ર હાથોથી ન અડકવું. કળશ સ્થાપના બાદ તે સ્થાનને ક્યારે ખાલી ન છોડવું જોઈએ.