વાયરલ વીડિયો / VIDEO : આખરે મળી ગયા પૈસાના ઝાડ! અહીં ખેતરમાં ઉગી 500-500ની નોટો, જોઈને અચરજ નહીં માય

રાજસ્થાનના નાગૌર જિલ્લાના એક ખેડૂત ખેતરમાં 500-500ની નોટો વાવી દીધી આ ઘટનાનો એક વીડિયો વાયરલ થયો છે જે જોઈને કોઈને પણ નવાઈ લાગે તેવું છે. હકીકતમાં વિરોધ તરીકે એક ખેડૂત તેના ખેતરમાં 500-500ની નોટો વાવી હતી. આ ઘટનાનો એક વીડિયો વાયરલ થયો છે જેમાં રેતીની નાની નાની ઢગલીઓમાં 500-500ની નોટો ખૂંપાડેલી જોઈ શકાય છે.

ખેડૂતે ખેતરમાં વાવી દીધી 500-500ની નોટો

નાગોરના મલ્લારામ બાવરી નામના ખેડૂતે પાક.વીમાના પૈસા ન મળતાં ખેતરમાં 500-500 રૂપિયાની નોટો વાવી દીધી હતી.

શું બોલ્યાં ખેડૂત

મલ્લારામ બાવરીએ કહ્યું કે પાક વીમાના પૈસા લેવા તેઓ સતત બેન્ક, વીમા કંપની અને કૃષિ વિભાગના ચક્કર કાપતા રહ્યા. પણ તેમને કંઈ મળ્યું નહીં. ફરિયાદો પર કાર્યવાહી ન થતા અને વળતર ન મળતા તેમણે ખેતરમાં નોટ વાવીને વિરોધ નોંધાવ્યો હતો.

4 હજારની 500-500ની નોટ ખેતરમાં વાવી

આ ખેડૂતે પોતાની ઉપજથી મળેલા 4 હજાર રૂપિયાની 500-500ની નોટ ખેતરમાં વાવી દીધી અને સિંચાઈ પણ કરી દીધી, જેથી અધિકારીઓને એ સમજાવી શકે કે વારંવાર કહેવા છતાં જો રાહત નથી મળતી, તો ખેડૂતો કેટલા લાચાર થઈ જાય છે.

એક લાખની લોન લીધી

ખેડૂત મલ્લારામે જણાવ્યું કે તેમણે કપાસની ખેતી માટે બેન્કમાંથી એક લાખની લોન લીધી હતી. આ સીઝનમાં નાગોરમાં થયેલા સતત વરસાદથી પાક બરબાદ થઈ ગયો. ખેતરમાં ઘૂંટણસમા પાણી ભરાઈ ગયા. ત્યાં સુધી કે કપાસનો પાક લાંબા સમય સુધી પાણીમાં રહેવાથી પાક બળી ગયો. ખેડૂતનું કહેવું છે કે આખું ખેતર તળાવ બની ગયું. આવી સ્થિતિમાં આખી સિઝન મહેનત કરી અને મહેનતના ફળ સ્વરૂપે ખાલી 4 હજાર રૂપિયાની નીપજ આવી.

આ પણ વાંચો: VIDEO : જાડેજાએ ફેંક્યો રહસ્યમયી બોલ, એડન મારક્રમને ખબર જ ન પડી કે આઉટ થયો, ડિફેન્સ ચીરીને કર્યો બોલ્ડ "

વીડિયો વાયરલ

આ ઘટનાનો એક વીડિયો વાયરલ થયો છે જેમાં જોઈ ખેતરમાં નાની નાની ઢગલીઓ અને તેમાં 500-500ની નોટો ફસાવેલી જોઈ શકાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ