કોન્ફરન્સ / ટ્રમ્પને તમાચો! આખરે PM મોદીએ ટેરિફ પર કર્યું આ મોટું એલાન, અમેરિકાને થઈ જશે ઈર્ષા!

જ્યારથી અમેરિકાએ ભારત પર 50 ટકા ટેરિફ લગાડ્યો છે ત્યારથી દેશ-વિદેશમાં તેની ખૂબ ચર્ચા ચાલી છે. ભારતમાં પણ ટ્રમ્પના આ પગલાંનો ઘણો વિરોધ છે. હવે પહેલી વાર ટ્રમ્પ ટેરિફ પર પ્રધાનમંત્રી મોદીનું નિવેદન આપ્યું છે.

સેમિકોન ઈન્ડિયા કોન્ફરન્સમાં શું બોલ્યાં પીએમ મોદી

મંગળવારે સેમિકોન ઈન્ડિયા કોન્ફરન્સમાં બોલતા, વડા પ્રધાન નરેન્દ્ર મોદીએ કહ્યું કે ભારત વૈશ્વિક સેમિકન્ડક્ટર ઇકોસિસ્ટમમાં અગ્રણી ભૂમિકા ભજવવા માટે તૈયાર છે. તેમની સરકાર ટૂંક સમયમાં આ ક્ષેત્રને વધુ પ્રોત્સાહન આપવા માટે "આગામી પેઢીના સુધારા" શરૂ કરશે. ભારતમાં બનેલી સૌથી નાની ચિપ પણ વિશ્વમાં સૌથી મોટો ફેરફાર લાવશે."

પીએમ મોદીનો ટ્રમ્પ પર કટાક્ષ

વડા પ્રધાન નરેન્દ્ર મોદીએ મંગળવારે જણાવ્યું હતું કે "આર્થિક સ્વાર્થ દ્વારા ઉભા થયેલા પડકારો" છતાં, આ નાણાકીય વર્ષના પ્રથમ ત્રિમાસિક ગાળામાં ભારતનો GDP 7.8 ટકાનો વધારો થયો છે, પીએમ મોદીની આ વાત ભારતીય માલ પર યુએસ રાષ્ટ્રપતિ ડોનાલ્ડ ટ્રમ્પ દ્વારા લાદવામાં આવેલા ટેરિફનો ઉલ્લેખ કરે છે. પ્રધાનમંત્રી મોદીએ કહ્યું કે ભારતીય અર્થતંત્ર "દરેક અપેક્ષા અને અંદાજ કરતાં વધુ સારું રહ્યું છે. "જ્યારે વિશ્વભરમાં આર્થિક ચિંતાઓ અને આર્થિક સ્વાર્થ દ્વારા ઉભા થયેલા પડકારો છે, ત્યારે ભારતે 7.8 ટકાનો વિકાસ દર હાંસલ કર્યો છે.

વધુ વાંચો : ટેરિફ વોરની વચ્ચે ભારત માટે રાહતના સમાચાર, અમેરિકી નાણા મંત્રીએ કર્યું મોટું એલાન, આ ઘટનાની અસર!

ભારત પર અમેરિકાનો કેટલો ટેરિફ

ઉલ્લેખનીય છે કે અમેરિકાએ ભારત પર 50 ટકા ટેરિફ લગાડી દીધો છે અને હજુ પણ બીજી વસ્તુઓ પર વધારે લગાડવાની ધમકીઓ આપી રહ્યો છે. ત્યારે હવે પીએમ મોદીએ આડકતરી રીતે ટ્રમ્પને જવાબ આપ્યો છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ