મેઘાલય કપલ કેસ / VIDEO : રાજા 'વર' બન્યો! પત્નીને હાથે મર્ડર પહેલાં રાજા રઘુવંશીનો લગ્નનો વીડિયો આવ્યો, ખુશી માતમમાં ફેરવાઈ

લગ્ન બાદ તરત પત્ની સોનમને હાથે મોતનો ભોગ બનેલા ઈન્દોરના રાજા રઘુવંશીનો લગ્નનો વીડિયો સામે આવ્યો છે જેમા તે વરરાજાના વેશમાં ઘોડી પર ચઢીને બેઠો હતો અને રિલ પણ બનાવતો હતો પરંતુ તેને ક્યાં ખબર હતી કે તેની આ ખુશી ટૂંક સમયમાં માતમમાં ફેરવાઈ જશે અને પોતે જેને પરણવા જઈ રહ્યો છે તે જ તેનો જીવ લેશે.

સોશિયલ મીડિયામાં વીડિયો વાયરલ

ઘોડીએ ચઢેલા રાજા રઘુવંશીનો વીડિયો વાયરલ થયો છે. વરરાજાના વેશમાં રાજા ખુશખુશાલ દેખાઈ રહ્યો છે.

લગ્ન બાદ પત્ની સોનમે હનીમૂન પર કર્યું મર્ડર

પતિ રાજા રઘુવંશીની મેઘાલયમાં હનીમૂન પર મર્ડર કરી નાખનારી ઈન્દોરની સોનમ રઘુવંશીને લગ્ન પહેલાં પણ રાજા ગમતો નહોતો અને તેનાથી દૂર રહેતી હતી અને ત્યાં સુધી લગ્ન પછી પણ તે તેને સંબંધ બાંધતા દેતી નહોતી. લગ્ન પહેલા પ્રેમી રાજને કરેલી ચેટ, જે સામે આવી છે, તેમાં સોનમે એવું કહ્યું હતું કે રાજા તેની સાથે ઈન્ટીમેટ થાય તે તેને બિલકુલ પણ પસંદ નથી, તેથી તે તેને દૂર રાખતી હતી. સોનમે રાજને ચેટમાં લગ્નના ત્રણ દિવસ પછી તેના પતિને મારી નાખવાની યોજના વિશે પણ જણાવ્યું હતું. આરોપીઓએ રાજાને મારવા માટે જાણી જોઈને દૂરનું સ્થાન પસંદ કર્યું. પ્રેમી રાજ કુશવાહા ઉપરાંત, રાજાની હત્યાના આરોપમાં ધરપકડ કરાયેલા અન્ય ત્રણ લોકોની ઓળખ આકાશ રાજપૂત, વિકાસ ઉર્ફે વિકી અને આનંદ તરીકે થઈ છે.

પોસ્ટ મોર્ટમ રિપોર્ટમાં શું કહેવાયું

સોમવારે આવેલા ઓટોપ્સી રિપોર્ટમાં રાજાના શરીર પર અનેક તીક્ષ્ણ ઘા હોવાનું પુષ્ટિ મળી હતી, જેમાં બે મોટા ઘા હતા - એક તેના માથાના આગળના ભાગમાં અને બીજો પાછળના ભાગમાં.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ