મોટું રહસ્ય / ઘુસતાં જ મોત મળે, તો પછી પ્લેનના લેન્ડિંગ ગિયરમાં છુપાઈને છોકરો અફઘાનથી ભારત આવ્યો કેવી રીતે? મોટો 'ચમત્કાર'

એક દેશમાંથી બીજા દેશમાં જવા માટે લોકો જીવનું જોખમ ખેડી લેતાં હોય છે તમે લોકોને ડંકી માર્ગે અમેરિકા કે બીજા દેશોમાં જતાં જોયા હશે પરંતુ એક એવો કિસ્સો સામે આવ્યો છે જેનાથી લોકો હેરાન રહી ગયાં છે. હકીકતમાં 13 વર્ષનો એક છોકરો પ્લેનના લેન્ડિંગ ગિયરમાં છુપાઈને અફઘાનિસ્તાનથી ભારત પહોંચ્યો હતો પરંતુ હવે હેરાનીભર્યો સવાલ એ છે કે પ્લેનના લેન્ડિંગ ગિયરમાં છુપાઈને કોઈ કેવી રીતે બચી જશે, કારણ કે આ જગ્યા એવી છે જ્યાં ઘુસતાં જ મોત મળે છે, એટલે ત્યાં બેસીને મુસાફરી કરવી મોતને આમંત્રણ આપવા બરાબર છે તો પછી છોકરોએ કેવી રીતે બચીને રહ્યો અને છેક દિલ્હી સુધી પહોંચી ગયો?

શું હોય છે પ્લેનનો લેન્ડિંગ ગિયર

અફઘાનિસ્તાનનો આ છોકરો વિમાનની વચ્ચે આવેલા લેન્ડિંગ ગિયરમાં એક નાની જગ્યામાં છુપાઈ ગયો હતો. આ જગ્યા એ છે જ્યાં વિમાનના ટાયર લોક થાય છે અને શિફ્ટ થાય છે. જ્યારે પણ વિમાન ઉડાન ભરે છે, ત્યારે ટાયર ફોલ્ડ થઈ જાય છે અને ફ્લૅપ બંધ થઈ જાય છે. ટાયરને ફિટ કરવા માટે પૂરતી જગ્યા નથી, અને વ્યક્તિ ભાગ્યે જ અંદર ફિટ થઈ શકે છે. છતાં, કોઈક રીતે, લોકો ત્યાં છુપાઈ જાય છે.

હાઈડ્રોલિક સિસ્ટમ ઉપર ખેંચતાં જ થઈ જાય મોત

વિમાનના મોટા ટાયરને હાઇડ્રોલિક સિસ્ટમ દ્વારા ઉપર તરફ ખેંચવામાં આવે છે, જે ખૂબ શક્તિશાળી છે. જો કોઈ વ્યક્તિ નજીકમાં બેઠો હોય, તો દબાણ તાત્કાલિક મૃત્યુનું કારણ બની શકે છે. એકવાર લેન્ડિંગ ગિયર ગોઠવાઈ જાય પછી, સંપૂર્ણ અંધારું છવાઈ જાય છે અને ઓક્સિજનનું સ્તર ઓછું થઈ જાય છે.

લેન્ડિંગ ગિયરમાં ઘુસતાં શું થાય છે?

હજારો ફૂટ ઊંચાઈએ ઉડતા વિમાનના લેન્ડિંગ ગિયરમાં મુસાફરી કરવી જોખમી છે. મૃત્યુ લગભગ નિશ્ચિત છે. સૌ પ્રથમ, હાઇડ્રોલિક સિસ્ટમની શક્તિ લેન્ડિંગ ગિયરમાં બેઠેલા વ્યક્તિને મારી શકે છે.

જો કોઈ વ્યક્તિ ઉડાન ભરે ત્યાં સુધી બચી જાય તો પણ, હજારો ફૂટ ઉપર ગયા પછી, ઓક્સિજનના અભાવે તેના ફેફસાં કામ કરવાનું બંધ કરી શકે છે. જ્યારે વિમાન હજારો ફૂટની ઊંચાઈએ ઉડે છે, ત્યારે બહારનું તાપમાન -50 ડિગ્રી સેલ્સિયસ સુધી પહોંચી શકે છે, જે હાયપોથર્મિયાનું કારણ બની શકે છે.

વધુ વાંચો : VIDEO : છોકરીએ દુકાનમાં જઈને એવું માગ્યું કે દુકાનદારના મગજનું થઈ ગયું દહીં, છોકરા પણ શરમાઈ જાય

લેન્ડિંગ પહેલાં પણ મોતનો ખતરો

જો કોઈ વ્યક્તિ આ બધી બાબતોમાં બચી જાય તો પણ, સૌથી મોટો ભય વિમાનના લેન્ડિંગ દરમિયાન થાય છે. વિમાન લેન્ડ થાય તે પહેલાં, ટાયર છૂટી જાય છે, જેનાથી લેન્ડિંગ ગિયર સક્રિય થાય છે. આ સ્થિતિમાં, અંદર રહેલો વ્યક્તિ સેંકડો ફૂટ નીચે પડી જાય છે અને મૃત્યુ પામે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ