ન્યાયિક / 'ઝાઝી પત્નીઓ રાખી શકો પણ'... મોટો ચુકાદો જાહેર કરતાં હાઈકોર્ટે મૂકી આ શરત, સરસ વાત છે!

અલ્હાબાદ હાઈકોર્ટે તાજેતરમાં એક કેસમાં એવો ચુકાદો આપ્યો કે મુસ્લિમ પુરુષ જ્યાં સુધી તેની બધી પત્નીઓ સાથે સમાન રીતે વર્તે છે ત્યાં સુધી તેને અનેક લગ્ન કરવાનો અધિકાર છે. કોર્ટે ભારપૂર્વક જણાવ્યું હતું કે કુરાન હેઠળ "માન્ય કારણોસર" બહુપત્નીત્વને શરતી રીતે મંજૂરી આપવામાં આવી હતી, પરંતુ પુરુષો દ્વારા "સ્વાર્થી કારણોસર" તેનો "દુરુપયોગ" કરવામાં આવે છે.મુરાદાબાદની એક અદાલત દ્વારા ફુરકાન નામના એક વ્યક્તિ વિરુદ્ધ જારી કરાયેલ ચાર્જશીટ, સંજ્ઞાન અને સમન્સના આદેશને રદ કરવાની અરજીની સુનાવણી કરતી વખતે જસ્ટિસ અરુણ કુમાર સિંહ દેસ્વાલની સિંગલ બેન્ચે આ ટિપ્પણી કરી હતી.

શું હતો કેસ

આ કેસ 2020નો છે જ્યારે એક મહિલાએ ફુરકાન વિરુદ્ધ ફરિયાદ નોંધાવી હતી કે તેણે તેને જાણ કર્યા વિના કે બીજી સ્ત્રી સાથે લગ્ન કરી લીધા હતા. તેણીએ એવો પણ આરોપ લગાવ્યો હતો કે ફુરકાને તેમના લગ્ન દરમિયાન તેના પર બળાત્કાર કર્યો હતો. ત્યારબાદ, મુરાદાબાદ પોલીસ સ્ટેશનમાં કેસ દાખલ કરવામાં આવ્યો હતો અને ફુરકાન અને બે અન્ય લોકો સહિત ત્રણ આરોપીઓને સમન્સ જારી કરવામાં આવ્યા હતા.

આરોપીએ શું દલીલ કરી

આરોપી ફુરકાનના વકીલે મુરાદાબાદ કોર્ટમાં દલીલ કરી હતી કે મહિલાએ સ્વીકાર્યું છે કે તેણે ફુરકાન સાથે સંબંધ બાંધ્યા પછી જ લગ્ન કર્યા હતા. તેમણે એવી પણ દલીલ કરી હતી કે ભારતીય દંડ સંહિતા (IPC) ની કલમ 494 હેઠળ ગુનો ગણવા માટે બીજા લગ્ન અમાન્ય હોવા જોઈએ.

વધુ વાંચો : કોનો હાથ ઉપર રહ્યો? ભારત-પાક જંગ પર અમેરિકન અખબારનો મોટો ધડાકો, આખી દુનિયાએ જાણ્યું

ઝાઝી પત્નીઓ રાખવા માટે હાઈકોર્ટે શું શરત મૂકી

અલ્હાબાદ હાઈકોર્ટનું સ્પસ્ટ કહેવું છે કે મુસ્લિમ શખ્સ ઈચ્છે તો કૂરાન પ્રમાણે, ઝાઝી પત્નીઓ રાખી શકે પરંતુ તેણે તમામ પત્નીઓને એક સરખી રીતે રાખવી પડશે, એક સરખી રીતે રાખવાની શરતથી તેઓ ઝાઝી પત્નીઓ રાખી શકે છે. ઉલ્લેખનીય છે કે હિંદુ ધર્મમાં ઝાઝી પત્નીઓ રાખવાની મંજૂરી નથી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ