ક્રાઇમ / 18 વર્ષના આ બે છોકરાઓએ લીધો હુમા કુરેશીના ભાઈનો જીવ, પહેલાં પણ થયો હતો ઝગડો

Huma Qureshi Cousin Asif Murder Case: દિલ્હીના નિઝામુદ્દીન વિસ્તારમાં ખૂબ જ ઓછી ઉંમરના બે યુવકોએ એક ચોંકાવનારી ઘટનાને અંજામ આપ્યો છે. નિઝામુદ્દીન વિસ્તારમાં અભિનેત્રી હુમા કુરેશીના પિતરાઈ ભાઈ આસિફની તીક્ષ્ણ હથિયારથી હત્યા કરવામાં આવી. એવું કહેવાઈ રહ્યું છે કે પાર્કિંગ વિવાદને કારણે આ હત્યા કરવામાં આવી. પરિજનોએ પણ એમ જ જણાવ્યું છે જે આરોપી ભાઈઓ અને મૃતક આસિફ વચ્ચે પહેલા પણ ઝઘડાઓ થઈ ચુક્યા હતા.

હત્યાના આરોપમાં આસિફના બે પાડોશી યુવકો ગૌતમ અને ઉજ્જવલની ધરપકડ કરવામાં આવી છે. બંને ભાઈઓ છે - મોટો ભાઈ ઉજ્જવલ 19 વર્ષીય છે અને નાનો ભાઈ ગૌતમ એના કરતા એક વર્ષ નાનો છે. એવું કહેવાઈ રહ્યું છે કે મોટા ભાઈ ઉજ્જવલે સૌથી પહેલા આસિફ પર હુમલો કર્યો અને પછી ગૌતમે તેનો સાથ આપુઓ. લોહીથી લથબથ આસિફને હોસ્પિટલ લઈ જવામાં આવ્યો, પરંતુ ડોકટરોએ તેને મૃત જાહેર કર્યો.

42 વર્ષીય આસિફ કુરેશી અને ઉજ્જવલ-ગૌતમનું ઘર જંગપુરા ભોગલની ચર્ચ લેનમાં છે. બંને પાડોશી છે. પહેલા પણ તેમના વચ્ચે ઘણીવાર નાની-નાની વાતોને લઈને ઝઘડો થઈ ચુક્યો હતો. જણાવવામાં આવી રહ્યું છે કે ગુરુવારે રાતે લગભગ 10:30 વાગ્યે આરોપીઓએ પોતાના સ્કુટરને આસિફના ઘરની બહાર પાર્ક કરી દીધું હતી. સીસીટીવી ફૂટેજમાં દેખાઈ રહ્યું છે કે બંને ભાઈઓ આસિફને જમીન પર પાડીને મારી રહ્યા છે જયારે કેટલાય લોકો વચ્ચે પડીને બચાવવાની કોશિશ કરી રહ્યા છે.

આસિફે સ્કૂટર હટાવવાનું કહ્યું તો ઉજ્જવલની સાથે તેની દલીલ થવા લાગી. આ દરમિયાન તેનો ભાઈ પણ ત્યાં આવી ગયો. ત્રણેય વચ્ચે વાત વધી ગઈ, ઊંચા અવાજે ઉગ્ર દલીલો થઈ, મારામારી થઈ. ઘણા લોકો વચ્ચે પડીને બચાવવાનો પ્રયાસ કરી રહ્યા છે. દરમિયાન આસિફના શરીર પર તીક્ષ્ણ હથિયારથી ઘણીવાર ઘા કરવામાં આવ્યા. આસિફની પત્નીએ કહ્યું કે તેના પતિએ પાડોશીઓને સ્કૂટર હટાવવાનું કહ્યું હતું જેના પર વિવાદ થયો હતો. પરિજનોએ એમ પણ કહ્યું કે બંને પાડોશીઓએ વચ્ચે પહેલા પણ ઝઘડો થાયો હતો અને બબાલ ચાલતી રહેતી હતી.

આ પણ વાંચો: દોડતી બસ પર ઝાડ પડતાં 5 લોકોના મોત, મહિલા બોલી, 'અહીં જિંદગીનો સવાલ વીડિયોની પડી છે'

આસિફ કુરેશીની હત્યા પર આમ આદમી પાર્ટીએ દિલ્હીની કાયદા વ્યવસ્થા પર સવાલ ઉભા કરીને કહ્યું કે પોલીસને તો તેમની પાર્ટીના નેતાઓને ખોટા કેસમાં ફસાવવામાં લગાવી દીધી છે. પૂર્વ મંત્રી સૌરભ ભારદ્વાજે કહ્યું કે દિલ્હીમાં સતત અપરાધ વધી રહ્યા છે. તાજેતરમાં જ સાંસદ સાથે ચેન સ્નેચિંગનો કેસ થયો. સ્નેચિંગ તો હવે એકદમ સામાન્ય છે. સતત હત્યાઓ, બળાત્કાર, લૂંટ, ઘરમાં ઘૂસીને હત્યા, વડીલોની હત્યા જેવી ઘટનાઓ સતત બની રહી છે. કારણ કે દિલ્હીની પોલીસ હોય કે કોઈ બીજી એજન્સી એમને એક જ કામ આપવામાં આવ્યું છે કે આમ આદમી પાર્ટીના નેતાઓને ખોટા કેસમાં ફસાવો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ