દુર્ઘટના / દોડતી બસ પર ઝાડ પડતાં 5 લોકોના મોત, મહિલા બોલી, 'અહીં જિંદગીનો સવાલ વીડિયોની પડી છે'

ઉત્તર પ્રદેશના બારાબંકી જિલ્લામાં ભારે વરસાદ વચ્ચે એક ભયાનક અકસ્માતની ઘટના બની છે. બારાબંકી-હૈદરગઢ રોડ પર હરખ રાજા બજાર નજીક મુસાફરોથી ભરેલી રોડવેઝ બસ પર અચાનક મોટું ઝાડ પડી ગયું. આ દુર્ઘટનામાં 4 મહિલાઓ સહિત 5 લોકોના મોત થયા છે, જ્યારે લગભગ કેટલાક લોકો ઘાયલ થયા છે. મળતી માહિતી અનુસાર ઘાયલોમાંથી બે લોકોની હાલત ગંભીર છે અને તેમને તાત્કાલિક હોસ્પિટલમાં સારવાર માટે ખસેડવામાં આવ્યા છે.

કુદરતી રીતે ઝાડ પડતા બસમાં ભારે અફરાતફરી મચી હતી અને મુસાફરો ગભરાઈને બારીમાંથી બહાર કૂદવા લાગ્યા હતા. ઘટનના કારણે સ્થળ પર રસ્તો બંધ થઈ ગયો અને ટ્રાફિક જામની થયો હતો. પોલીસ અને સરકાર દ્વારા તાત્કાલિક ઘટનાસ્થળે પહોંચી બચાવ કામગીરી હાથ ધરવામાં આવી છે. ભારે વરસાદને કારણે ઝાડ કાપીને ફસાયેલા લોકોને બહાર કાઢવામાં આવ્યા છે.

ઘટના વચ્ચે એક બીજી ખતરનાક ઘટનાએ જોર પકડ્યું

આ દરમિયાન એક ઘટના ચર્ચાનો વિષય બની ગઈ. બસમાં ફસાયેલી એક મહિલા મુસાફરનો વીડિયો કેટલીક વ્યક્તિઓ બનાવતી હતી. આ જોઈ મહિલાએ ગુસ્સાથી કહ્યું કે “અહીં જીવન અને મૃત્યુનો પ્રશ્ન છે અને તમે વીડિયો બનાવી રહ્યા છો. જો મદદ કરતા તો અમે બહાર આવી ગયા હોત.” આ વાત પછી ભીડે વીડિયો બનાવી રહેલા યુવકને ત્યાંથી દૂર હટાવી દીધો.

આ પણ વાંચો : 80 વર્ષના વૃદ્ધ બન્યાં ડિજિટલ અરેસ્ટનો શિકાર, 4 મહિલાઓએ પડાવ્યાં 9 કરોડ

અધિકારીઓ મુજબ, બસ બારાબંકીથી હૈદરગઢ જઈ રહી હતી. મૃતકોમાં બસના ડ્રાઈવરનો પણ સમાવેશ થાય છે. ઉપરાંત, એક મહિલા શિક્ષિકાનું પણ મોત થયું છે, જે રજા પર હોવા છતાં બીઓના આદેશથી શાળાએ જઈ રહી હતી. બારાબંકીના CMOએ પાંચ લોકોના મોતની પુષ્ટિ કરી છે અને તમને જણાવી દઈએ કે તમામ ઘાયલ લોકોને યોગ્ય સારવાર આપવામાં આવી રહી છે. હાલમાં સ્થળ પરથી ઝાડ હટાવી ટ્રાફિક સામાન્ય કરવામાં આવ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ