Salary / ઉત્તરપ્રદેશના આ શખ્સને Apple આપે છે 243 કરોડનો પગાર, જાણો કોણ છે? ટીમ કૂકનો કેટલો પગાર

Apple CEO Salary: એપલના સીઈઓનો પગાર કેટલો છે? લોકો ઘણીવાર વિચારે છે કે વિશ્વની સૌથી મોટી કંપનીઓના સીઈઓ અને ટોચના મેનેજમેન્ટ કેટલા પૈસા કમાય છે. ચાલો જાણીએ કે એપલમાં કોણ કેટલું કમાય છે. યુપીમાં જન્મેલા સબીહ ખાનને એપલ 243 કરોડ રૂપિયાનો પગાર આપે છે, ટિમ કૂકને કેટલો પગાર મળે છે? જાણો

વિશ્વની સૌથી મોટી ટેક કંપનીઓમાંની એક એપલે તેના વાર્ષિક ફાઇલિંગમાં 2025 માટે તેના ટોચના અધિકારીઓના પગારની સંપૂર્ણ વિગતો જાહેર કરી છે. આ રિપોર્ટ અનુસાર એપલના સીઈઓ ટિમ કૂકે 2025 માં કુલ આશરે 74.3 મિલિયન ડોલર કમાયા હતા, જે ભારતીય રૂપિયામાં આશરે રૂ. 668 કરોડ થાય છે.

ટિમ કુકની કુલ કમાણીમાં મૂળ પગારની તુલનામાં સૌથી મોટો હિસ્સો સ્ટોક એવોર્ડ્સ અને પરફોર્મસ સાથે જોડાયેલ ઇનસેટિંવનો રહ્યો છે. તેમને આશરે 3 મિલિયન ડોલર મૂળ પગાર મળ્યો, જ્યારે સ્ટોક એવોર્ડ્સના રૂપમાં 57.5 મિલિયન ડોલર અપાયા હતા. વધુમાં તેમને પ્રદર્શન-આધારિત બોનસ અને અન્ય લાભોમાં આશરે 12 મિલિયન ડોલર મળ્યા. સુરક્ષા, મુસાફરી અને અન્ય લાભો પર પણ મોટી રકમ ખર્ચવામાં આવી હતી.

રિપોર્ટમાં એપલના અન્ય વરિષ્ઠ અધિકારીઓના પગારનો પણ ખુલાસો થયો છે. કંપનીના ચીફ ઓપરેટિંગ ઓફિસર સબીહ ખાને 2025માં આશરે 27 મિલિયન ડોલર કમાયા હતા. મૂળ ઉત્તર પ્રદેશના મુરાદાબાદના રહેવાસી સબીહ ખાનને જુલાઈ 2025માં આ પદ પર નિયુક્ત કરવામાં આવ્યા હતા. તેમના પગારનો મોટો હિસ્સો સ્ટોક એવોર્ડ્સનો હતો, જ્યારે તેમનો મૂળ પગાર આશરે 1 મિલિયન ડોલર હતો.

એપલના ચીફ ફાઇનાન્શિયલ ઓફિસર કેવન પારેખે પણ 2025માં કરોડો રૂપિયા કમાયા હતા. કેવન પારેખ જાન્યુઆરી 2025થી આ પદ પર છે અને ભારતીય મૂળના અમેરિકન એક્ઝિક્યુટિવ છે. તેમની કુલ કમાણી આશરે 22.4 મિલિયન ડોલર હતી, જેમાં તેમનો મૂળ પગાર, સ્ટોક એવોર્ડ્સ અને અન્ય લાભોનો સમાવેશ થાય છે.

એપલનો આ પગાર રિપોર્ટ કંપનીની વાર્ષિક શેરધારક મીટિંગ નજીક આવતા સમયે સામે આવ્યો છે. આ મીટિંગમાં સામાન્ય રીતે કંપનીના પ્રદર્શન, ભાવિ વ્યૂહરચના અને ટોચના અધિકારીઓના પગારની ચર્ચા થાય છે. રિપોર્ટમાં એ પણ સૂચવવામાં આવ્યું છે કે ટિમ કૂક ભવિષ્યમાં તેમની ભૂમિકામાં બદલાવ કરી શકે છે, જોકે કંપનીએ આ બાબતે કોઈ સત્તાવાર જાહેરાત કરી નથી.

આ પણ વાંચોઃ Google Pay, PhonePe, Paytm યુઝર્સ એલર્ટ, હવે આ ભૂલ કરી તો એકાઉન્ટ બ્લોક!

આ ખુલાસો એ પણ સ્પષ્ટ કરે છે કે મોટી ટેક કંપનીઓના ટોચના અધિકારીઓનો પગાર માસિક પગાર પૂરતો મર્યાદિત નથી. સ્ટોક એવોર્ડ્સ અને પ્રદર્શન-આધારિત પ્રોત્સાહનો આ વળતરનો નોંધપાત્ર ભાગ છે. આ મોડેલ કંપનીઓને લાંબા ગાળા માટે વરિષ્ઠ અધિકારીઓને જાળવી રાખવામાં અને તેમને વધુ સારા પરિણામો આપવા માટે પ્રેરિત કરવામાં મદદ કરે છે.

એકંદરે એપલનો આ સેલેરી રિપોર્ટ ગ્લોબલ ટેક ઇંડસ્ટ્રીમાં ટોચના સ્તરની કમાણીની ઝલક આપે છે, જ્યાં સીઈઓ અને વરિષ્ઠ અધિકારીઓની આવક સીધી કંપનીના વ્યવસાયિક પ્રદર્શન સાથે જોડાયેલી હોય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ