ઈન્દોર / ક્રિકેટ જગતમાં હડકંપ, ઈન્દોરમાં ઓસ્ટ્રેલિયન મહિલા ક્રિકેટરોની થઈ સરેઆમ છેડતી, હોટલ બહાર શું બન્યું?

ઓસ્ટ્રેલિયન મહિલા ક્રિકેટરોની એક ગંભીર સુરક્ષા ચૂકનો મામલો સામે આવ્યો છે. એમપીના ઈન્દોરમાં બે ઓસ્ટ્રેલિયન મહિલા ક્રિકેટરો પર બાઇક પર સવાર એક યુવક દ્વારા કથિત રીતે છેડતી કરવામાં આવી હતી. આ ઘટના ઇન્દોરમાં હોટેલ રેડિસન બ્લુ નજીક બની હતી. મહિલા ક્રિકેટરો હોટેલ રેડિસન બ્લુથી એક કાફે તરફ ચાલી રહી હતી ત્યારે બાઇક પર આવેલા બે યુવાનોએ તેમને હેરાન કરવાનું શરૂ કર્યું.

હોટલ બહાર શું બન્યું

બે ઓસ્ટ્રેલિયન મહિલા ક્રિકેટરો હોટેલ રેડિસન બ્લુથી નેહરુગઢના એક કાફેમાં જઈ રહી હતી. હોટલથી લગભગ 500 મીટર દૂર, ખજુરાના રોડ પર, એક યુવક તેમની કારને ઓવરટેક કરીને રોકાઈ ગયો. બાઇક પર સવાર વ્યક્તિએ બંને ખેલાડીઓને અયોગ્ય રીતે સ્પર્શ કર્યો. બંને મહિલા ખેલાડીઓ ગભરાઈ ગઈ અને તરત જ તેમની ટીમના સુરક્ષા અધિકારી ડેની સિમન્સને ફોન કરીને મદદ માંગી. સિમન્સને ખેલાડીઓને તેમનું લાઇવ લોકેશન અને SOS એલર્ટ મોકલવા સૂચના આપી. સંદેશમાં લખ્યું હતું કે, "એક માણસ બાઇક પર અમારો પીછો કરી રહ્યો છે અને અમને પકડવાનો પ્રયાસ કરી રહ્યો છે." SOS સંદેશ મળતાં જ સુરક્ષા અધિકારીઓ તાત્કાલિક ઘટનાસ્થળે પહોંચી ગયા. અધિકારીઓએ બાઇક પર સવાર યુવાનની ધરપકડ કરી છે. ઘટના બાદ, હોટેલ અને કાફેની આસપાસ સુરક્ષા વધારી દેવામાં આવી છે.

છેડતી થતાં મહિલા ક્રિકેટરોએ શું કર્યું

મહિલા ક્રિકેટરોએ ઉત્પીડન પછી તરત જ SOS સૂચના મોકલી. માહિતી મળતાં જ સુરક્ષા અધિકારીઓ ઘટનાસ્થળે પહોંચ્યા. સુરક્ષા અધિકારી ડેની સિમન્સની ફરિયાદના આધારે, MIG પોલીસે FIR નોંધી અને આરોપી અકીલની ધરપકડ કરી.

વધુ વાંચો : અધર્મનો ધંધો! મુરારી બાબુ સોનાની દાણચોરીમાં ઝડપાયા, મંદિરને નામે કરોડોના સાગથી બાંધ્યું વૈભવી ઘર

મહિલા વર્લ્ડ કપનો હિસ્સો રહી છે બન્ને ક્રિકેટરો

ICC મહિલા વર્લ્ડ કપમાં ઓસ્ટ્રેલિયન મહિલા ટીમનો ભાગ રહેલી આ ખેલાડીઓ તેમની ટીમના બાકીના ખેલાડીઓ સાથે રેડિસન બ્લુ હોટેલમાં રોકાઈ રહી હતી.
બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ