મૂન મિશનને ધક્કો / અવકાશ જગતની અસામાન્ય ઘટના, ચંદ્ર માટે નાસાએ બનાવેલા રોકેટમાં બીજી વાર થયું ફ્યુઅલ લીકેજ

• નાસા ચંદ્ર મિશનને બીજી વાર લાગ્યો ધક્કો 
• મૂન મિશન આર્ટેમિસ-1નું લોન્ચિંગ ન થઈ શક્યું
• છેલ્લી ઘડીએ રોકેટમાં થયું ફ્યુઅલ લીકેજ 
• 29 ઓગસ્ટે પણ લોન્ચ થઈ શક્યું નહોતું 

અમેરિકી સ્પેસ એજન્સી નાસા ચંદ્ર પર એક રોકેટ છોડવા માગે છે. આ માટે નાસાએ પૂરતી તૈયારી પણ કરી લીધી હતી અને દિવસોની મહેનત બાદ મૂન મિશન આર્ટેમિસ-1 નામનું રોકેટ તૈયાર કર્યું હતું. 29 ઓગસ્ટે પહેલી વાર  આર્ટેમિસ-1નું લોન્ચિંગ ગોઠવાયું હતું પરંતુ તે વખતે રોકેટમાં ખામી આવતા લોન્ચિંગ બંધ રાખવામાં આવ્યું હતું અને તેને આજે એટલે કે 3 સપ્ટેમ્બરે છોડવાનું નક્કી કરવામાં આવ્યું હતું જે અનુસાર તેને છોડવામાં આવનાર હતું કે તરત રોકેટમાં બીજી વાર ખામી સામે આવી. રોકેટમાં ફ્યુઅલ લીકેજ જોવા મળતા તાબડતોબ તેનું લોન્ચિંગ ટાળી દેવામાં આવ્યું હતું. હાલમાં ફ્યુઅલ લીકેજની ઘટના બનતા રોકેટ લોન્ચિંગને થોડા સમય પુરતું ટાળી દેવાયું છે અને હવે ભારતીય સમય પ્રમાણે રાતના 12 વાગ્યાની આસપાસ ફ્લોરિડાના કેનેડી સ્પેસ સેન્ટર પરથી રવાના કરવામાં આવશે. 

The #Artemis I mission to the Moon has been postponed. Teams attempted to fix an issue related to a leak in the hardware transferring fuel into the rocket, but were unsuccessful: NASA pic.twitter.com/1zgJ2c3R4n

— ANI (@ANI) September 3, 2022

આર્ટેમિસ-1 નવા પ્રકારનું રોકેટ 
આર્ટેમિસ-1 એક નવા પ્રકારનું રોકેટ સિસ્ટમ છે, કારણ કે તેનું મુખ્ય એન્જિન પ્રવાહી ઓક્સિજન અને હાઇડ્રોજન બંને પ્રણાલીઓનું સંયોજન છે, તેમજ અવકાશયાન દ્વારા પ્રેરિત બે નક્કર રોકેટ બૂસ્ટર છે. તે ખરેખર સ્પેસ શટલ અને એપોલોના સેટર્ન વી રોકેટને જોડીને રચાયેલ એક વર્ણસંકર છે. 

Fuel leak ruins NASA's 2nd attempt at launching moon rocket, reports AP

— Press Trust of India (@PTI_News) September 3, 2022

આર્ટેમિસ-1 અત્યાર સુધીનું સૌથી શક્તિશાળી રોકેટ 
322 ફૂટ અથવા 98 મીટર લાંબુ આ અવકાશયાન નાસા દ્વારા બનાવવામાં આવેલું અત્યાર સુધીનું સૌથી શક્તિશાળી રોકેટ છે અને તે શનિ-5 કરતા પણ વધુ શક્તિશાળી છે, જે અપોલો પ્રોગ્રામથી ચંદ્ર સુધી અવકાશયાત્રીઓને લઇ જાય છે. અમેરિકન પૌરાણિક કથાઓ અનુસાર આ ચંદ્ર રોકેટનું નામ એપોલોની જોડિયા બહેન આર્ટેમિસના નામ પરથી રાખવામાં આવ્યું છે.