તમારા કામનું / નેલપોલીશના કારણે થઈ શકે છે કેન્સર: તમે પણ નખ પર લગાવતાં હોય તો ખાસ ચેતજો

• નેલપોલીશ લગાવવું નુકસાનકારક 
• ગર્ભવતી મહિલાઓ માટે પણ નુકસાનકારક 
• મગજને નુકસાન કરી શકે  

મહિલાઓ તેમના હાથને સુંદર બનાવવાનાં પ્રયત્નો કરતી હોય છે. હાથને સુંદર બનાવવા માટે મોટાભાગની મહિલાઓ વેક્સિંગ અને મેનીક્યોર કરે છે. હાથને સુંદર બનાવવાની સૌથી સામાન્ય રીત નેલપોલીશ લગાવવી છે. છોકરીઓ ઘણીવાર તેમના નખ પર નવી રંગીન નેલપોલીશ લગાવે છે. તે નેઇલ આર્ટ ડિઝાઇન કરીને તેના હાથની સુંદરતામાં વધુ વધારો કરવા માંગે છે. પરંતુ શું તમે જાણો છો આ સુંદર નેલપોલિશમાં ક્યારેક હાનિકારક રસાયણો હોય છે. જે સ્વાસ્થ્ય માટે નુકસાનકારક બની શકે છે.

નેલપોલીશ લગાવવું નુકસાનકારક છે 
નેલપોલીશમાં ફોર્માલ્ડીહાઈડ, ટોલ્યુએન અને ડીબ્યુટીલ ફેથલેટ જેવા રસાયણો હોય છે. જે સ્વાસ્થ્ય માટે નુકસાનકારક છે. લાંબા સમય સુધી નેલપોલીશનો ઉપયોગ કરવામાં આવે તો ત્વચાની એલર્જી, સોજો અને લાલાશ જેવી સમસ્યાઓ જોવા મળી શકે છે. નેલપોલીશ રીમુવર પણ હાનિકારક રસાયણોથી ભરપૂર હોય છે. તેમના ઉપયોગથી ત્વચા શુષ્ક અને ખરબચડી બની શકે છે. ત્વચાની કુદરતી ચીકાશ ગુમાવવાથી ચેપ અને બેક્ટેરિયાનું જોખમ વધી જાય છે.

શ્વાસને લગતી સમસ્યાઓ 
નેલપોલીશમાં રહેલા રસાયણો શ્વસનતંત્રને અસર કરી શકે છે. તેથી નેલપોલીશ લગાવતી વખતે કે દૂર કરતી વખતે માસ્ક પહેરવું જરૂરી છે. ટ્રાફીનાઇલ ફોસ્ફેટ ફેફસાં માટે હાનિકારક છે. તેનાથી ફેફસામાં સોજો આવે છે. જેના કારણે શ્વાસ લેવામાં તકલીફ પડે છે. અસ્થમા જેવા રોગ પણ થઈ શકે છે.

ગર્ભવતી મહિલાઓ માટે પણ નુકસાનકારક 
ગર્ભવતી મહિલાઓ માટે આ નેલપોલીશનાં રસાયણો વધુ નુકસાનકારક હોય છે કારણ કે તે ગર્ભ સુધી પહોંચી શકે છે અને જન્મજાત ખામીઓનું કારણ પણ બની શકે છે.તેથી નેલપોલીશનો ઉપયોગ ઓછો કરવો જોઈએ.  કુદરતી ઘટકોથી બનાવેલી નેલપોલીશનો ઉપયોગ કરવો જોઈએ. 

વાંચવા જેવું: એલર્ટ! એસિડિટી બને છે હાર્ટ એટેકનું પહેલું લક્ષણ, આજથી જ લાઇફસ્ટાઇલમાં લાવો આ બદલાવ

મગજને નુકસાન કરી શકે 
નેલપોલીશમાં રહેલા ફોર્માલ્ડીહાઈડ, ટોલ્યુએન અને ડીબ્યુટીલ ફેથલેટ જેવા રસાયણો શરીરનાં અન્ય ભાગોની જેમ મગજમાં પણ જાય છે. જે મગજનાં કોષોને નુકસાન પહોંચાડી શકે છે. જેના કારણે માથામાં દુ:ખાવો થઈ શકે છે.