માફિયા સામે સકંજો / BIG NEWS : ગેંગસ્ટર મુખ્તાર બાદ હવે તેના સાંસદ ભાઈ અફઝલને ચાર વર્ષની સજા, જશે સંસદનું સભ્યપદ

• યુપીના ગેંગસ્ટર પર તાબડતોબ કાર્યવાહી
• સાંસદ અફઝલ અંસારી ગેંગસ્ટર એક્ટ કેસમાં દોષી
• ચાર વર્ષની જેલની સજા 
• સંસદનું સભ્યપદ જઈ શકે 

મુખ્તાર અંસારી બાદ તેના સાંસદ ભાઈ અફઝલ અંસારીને પણ ગેંગસ્ટર એક્ટ કેસમાં દોષી ઠેરવવામાં આવ્યા છે. અફઝલ અન્સારીને ગાઝીપુરની એમપી એમએલએ કોર્ટે ચાર વર્ષની જેલની સજા ફટકારી છે. આ સાથે જ 4 લાખ રૂપિયાનો દંડ પણ ફટકારવામાં આવ્યો છે. સજાની જાહેરાત થતા જ અફઝલ અંસારીને કસ્ટડીમાં લેવામાં આવ્યો છે.

बीएसपी सांसद अफजाल अंसारी गैंगस्टर मामले में दोषी करार किए गए, उन्हें 4 साल की सजा सुनाई गई और 1 लाख जुर्माना भी लगाया गया। pic.twitter.com/xkM4pk2ErQ

— ANI_HindiNews (@AHindinews) April 29, 2023

મુખ્તાર અંસારીને 10 વર્ષની સજા
અફઝલ પહેલા તેના ભાઈ અને ગેંગસ્ટર મુખ્તાર અંસારીને પણ ભાજપ ધારાસભ્ય હત્યા કેસમાં 10 વર્ષની સજા કરવામા આવી હતી. 

અંસારી બંધુઓ સામે શું છે કેસ 
બાંદા જેલમાં બંધ મુખ્તાર અંસારી અને તેના સાંસદ ભાઈ અફઝલ અંસારી 2007માં નોંધાયેલા કેસમાં આરોપી હતા. આ પહેલા કોર્ટે મુખ્તાર અંસારીને દસ વર્ષની સજા સંભળાવી હતી અને તેના પર 5 લાખ રૂપિયાનો દંડ ફટકાર્યો હતો.

ભાજપ ધારાસભ્યની હત્યા કેસમાં દોષી 
જો કોઈ સંસદસભ્યને બે વર્ષ કે બે વર્ષથી વધુની સજા થાય તો તેનું સંસદનું સભ્યપદ છીનવી જવાની કાયદામાં જોગવાઈ છે. હાલ અફઝલ અંસારી ગાઝીપુરથી બસપાના સાંસદ છે. 2005 નવેમ્બર, 29ના રોજ મોહમ્મદાબાદના ભાજપના તત્કાલીન ધારાસભ્ય કૃષ્ણાનંદ રાય સહિત સાત લોકોની ગોળી મારીને હત્યા કરવામાં આવી હતી. આ હત્યા કેસમાં મુખ્તાર અંસારી અને તેના ભાઈ અફઝલને આરોપી બનાવવામાં આવ્યા હતા. 22 નવેમ્બર, 2007ના રોજ ગાઝીપુર જિલ્લાના મોહમ્મદાબાદ કોતવાલીમાં ગેંગસ્ટર એક્ટ હેઠળ કેસ નોંધવામાં આવ્યો હતો, જેમાં ગેંગસ્ટર ચાર્ટમાં સાંસદો અફઝલ અંસારી અને મુખ્તાર અંસારીનો સમાવેશ થાય છે. ત્યાર બાદ 23 સપ્ટેમ્બર 2022ના રોજ બંને સામે પ્રથમ દર્શનીય આરોપ નક્કી કરવામાં આવ્યા હતા અને ફરિયાદીની જુબાની પૂર્ણ કરવામાં આવી હતી. 

પહેલા કોર્ટ સુનાવણી પાછી ખેંચતી હતી હવે માફિયા માટીમાં-ભાજપ નેતા 
અંસારીની સજા પર પ્રતિક્રિયા આપતા ભાજપના પ્રવક્તા રાકેશ ત્રિપાઠીએ કહ્યું, "અતિક-મુખ્તાર સમાંતર સરકાર ચલાવતા હતા. પહેલા કોર્ટ સુનાવણીમાંથી પાછી ખેંચાતી હતી, આજે માફિયાઓને માટીમાં ભેળવવાનું કામ થઇ રહ્યું છે.